د هګۍ ډېر ژیړ خوړل د زړه ناروغي پیدا کوي

د هګۍ ژیړ د انځور حقوق
Image caption په دې څېړنه کې څېړونکو ویلي، چې د هګۍ ژیړ د سګرټو د اغېز د اغېز له درېیمې برخې سره مساوي دی.

د کاناډا یوې تازه څېړنې ښودلې ده، چې برتانوۍ "انډپنډنټ" ورځپاڼې خپره کړې، وايي هرڅومره چې د هګۍ ژیړ وخوړل شي، هومره ورسره د وینې شریانونو ته زیان اوړي.

څېړونکي وايي، د هګۍ ډېر ژیړ خوړل هغه ماده پیاوړې کوي، چې د وینې د شریانونو د بندښت لامل ګرځي.

دوی زیاتوي چې په دې سره رګونو کې د وینې تګ راتګ ټکنی کېږي چې دا کار د زړه د درېدو سبب هم کېدای شي.

ددغې څېړنې پایلې پر هغو شمېرو ولاړې دي چې وايي څېړنه یې پر شاوخوا ۱۲۰۰ کسانو ترسره کړې ده.

د څېړنې پایلې ښودلې ده، چې د وینې رګ بندوونکې ماده د عمر په زیاتېدو وده کوي په تېره بیا کله چې سړی څلوېښت کلنۍ ته ورسېږي.

دوی وايي دا کټ مټ هماغه عمر دی، چې پر سګرټ څکوونکي سړي د سګرټو د ناوړه اغېز څرګند څرک پیلیږي.

په دې څېړنه کې څېړونکو ویلي، چې د هګۍ ژیړ د سګرټو د اغېز د اغېز له درېیمې برخې سره مساوي دی.

ورته مطالب