د هند په راجستان کې سېلاوونو ۲۰ کسه وژلي دي

د خپريدو وخت: 09:38 گرینویچ - پنجشنبه 23 اگست 2012 - 02 وږی 1391
هند

دا لومړی په تېرو ۳۰ کلونو کې لومړی ځل دی چې په جېپور کې دا ډول سيلاوونه راوځي.

د هند په شمالي ايالت راجستان کې موسمي اوروښتونو لږ تر لږه ۲۰ کسه وژلي او لسګونه زره نور يې د خپلو کورنو پرېښودو ته اړ کړي.

د سې شنبې ورځې راهيسې په مرکز جېپور کې سختو بارانونو د خلکو عادي ژوند ګډوډ کړی او په يو شمېر سيمو کې سيلاوونه راوتلي دي.

شاوخوا ۲۰۰۰۰ کسان د سيلاوونو د راوتلو له امله د خپلو کورنو پرېښودو ته اړ کړای شوي دي.

د دې مياشتې په لومړيو کې ۳۴ د هند په بل شمالي ايالت اتراکهند کې توپاني بارانونو، ځمک ښووېدنې او سختو سېلاوونو له امله مړه شول.

د راجستان د هوا پېژندنې اداره وايي، دا په څه باندې ۳۰ کې لومړی ځل دی چې جېپور د دا ډول اورښتونو او سېلاوونو شاهد دی.

پخپله په ښار کې لږ تر لږه ۱۰ کسه وژل شوي، چې يو شمېر يې د کورنو د پرېوتو له امله مړه شوي دي.

يو شمېر کسانو د بامو په سر، سرپناوې جوړې کړي او د نيمه پوځيانو د ژغورنې ځايي ډلې هڅه کوي چې دغه کسان له سيمې وباسي.

د جون په مياشت کې په آسام ايالت کې لږترلږه ۲۷ تنه سيلاوونو مړه کړل او له يو ميليون ورپورته کسان يې د خپلو کورونو پرېښودو ته اړ کړل.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .