کوز دیر کې سړک غاړې ماین ۱۴ کسان وژلي

د خپريدو وخت: 06:01 گرینویچ - 16 سپتمبر 2012 - 26 وږی 1391
د مخکنۍ چاودنې عکس ګورﺉ

وړاندې په دغه سیمه کې اورپکو بریدونه کړي دي.

د خیبر پښتونخوا په کوز دیر کې د ماین چاودنې ۱۴ مسافر وژل شوي او یوولس نور یې ټپیان کړي.

پاکستاني چارواکي وايي، چاودنه د بارودي سورنګ د چاودنې له کبله رامنځ ته شوې ده.

په وژل شوو کې ښځې او ماشومان هم دي.

د کوز دیر د پولیسو افسر محمد جاوید د بي بي سي خبریال دلاور خان وزیر ته ویلي چاودنه د یکشنبې پر ګهيځ وختي د بانډا سیمه کې رامنځ ته شوه.

نوموړی وايي چې د چاودنې په اړه پلټنه روان ده، خو ویل کېږي چې ګاډی له باردو یوه ډک شوي سورنګ سره جنګېدلی دی.

پولیس وايي د پېښې ټپیان روغتون ته لېږدول شوي.

ویل کېږي چې په مسافر وړونکي ګاډي کې نژدې شل مسافر سپاره وو.

کوز دیر کې وړاندې هم د تاوتریخوالي او مرګ ژوبلې پېښې شوې دي، چې تاو یې ولسي وګړو ته رسېدلی دی.

چاوده د یکشنبې پر ګهيځ وختي شوې ده.

راپورونه وايي، په ګاډي کې هغه مسافر سپاره وو، چې د افغانستان پولې ته څېرمه یوه مارکیټ ته د سودا او راکړې ورکړې لپاره روان وو.

کوز دیر له سوات درې سره ګډه پوله لري، چې د پاکستان پوځ په کې په ۲۰۰۹ کال د طالبانو ضد عملیات وکړل.

وړاندې په دغه سیمه کې اورپکو بریدونه کړي دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .