چین د پولیسو مخکنی مشر ۱۵ کاله بندي کړ

د خپريدو وخت: 07:54 گرینویچ - دوشنبه 24 سپتمبر 2012 - 03 تله 1391
واګ لیجن

۵۲ کلن وانګ د منظمو جرمونو پروړاندې پر شدت شهرت لري.

د چین یوې محکمې د پولیسو یو پخوانی مشر واګ لیجن په ۱۵ کالو بند محکوم کړ.

پر نوموړي د یوه برتانوي سوداګر د وژنې په ګډون څلور تورونه دي، چې ویل کېږي دغه وژنه هغه پټه کړې ده.

د چین رسمي خبري اژانس شینخوا په جنوب لوېديځ کې د چینګدو د محکمې په حواله ویلي چې وانګ له دې کبله ګرم پېژندل شوی چې قانون یې د خپلو شخصي خدمتونو لپاره جوړ کړی و.

وانګ د چین په جنوب لوېديځ کې د پولیسو مشر وو، چې بو شیلای سیاستوال په کې د کمونیست ګوند مشري کوله.

محکمې ویلي چې وانګ د یوه برتانوي سوداګر نیل هیوود د هغې وژنې پېښه پټه کړې وه، چې د بوشیلای د ښځې ګو کیلای له خوا په تېر نومبر کې ووژل شو.

دا په چین کې د جرم تر ټولو یوه ناوړه پېښه ګڼل شوې ده.

پټه ناسته

د وانګ د محاکمې لپاره یوه پټه غونډه وشوه، چې په کې ښاغلی وانګ پخپله دنده کې د غفلت، له واکه د ناوړه ګټې اخیستنې او بډو تورن وبلل شو.

نوموړی په تېر نومبر کې د امریکا کونسلګرۍ ته وتښتېد، چې له دې کبله د سیاسي نارامۍ په لړ کې سیاستوال بو شیلای له واکه ولوېد.

د بو شیلای ښځې ګو کیلای ته د اعدام سزا ورکړل شوه، ځکه چې د نیل هیوود په وژنه کې نېغ په نېغه ګرمه وپېژندل شوه.

د چین خبري اژانس وايي، چې ښاغلی وانګ پوهېږي چې ګو کیلای د هیوود په وژنه کې لاس لري، خو نوموړی پخپله دنده کې غفلت کړی دی.

۵۲ کلن وانګ د منظمو جرمونو پروړاندې پر شدت شهرت لري.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .