تر ۲۰۳۰ به د سرطان ناروغي ډېره کمه شي

د خپريدو وخت: 07:53 گرینویچ - چارشنبه 26 سپتمبر 2012 - 05 تله 1391

د سرطان د څېړنو مرکز وايي د سږو، سینې، کولمو او پروستات سرطان ډېر خلک وژني.

په برتانیا کې د سرطان ناورغۍ په اړه د څیړنو مرکز وايي تر ۲۰۳۰ میلادي کال پورې به د سرطان ناروغي په ډراماتیکه توګه کمه شي.

دا مرکز وايي اوس خلک د سګریټو په زیانونو پوه شوي ځکه نو لږ خلک سګریټ څکوي او ځینې چې له مخکې پرې اخته دي پریږدي یې او بله خبره دا ده چې د سرطان د درملنې او علاج اسانتیاوې مخ په ډېرېدو دي.

همدا لاملونه دي چې تر ۲۰۳۰ کال پورې به د سرطان ناروغۍ له امله د مړینو کچه ۱۷ سلنه راکمه شي.

په ۲۰۱۰ کال کې په سلو زرو کسانو کې ۱۷۰ کسان د سرطاني ناروغيو له امله مړه شول. اوس ویل کېږي چې دا شمېره به په یو لک کسانو کې ۱۴۲ ته راټیټه شي.

د سرطان د څېړنو مرکز وايي د سږو، سینې، کولمو او پروستات سرطان ډېر خلک وژني.

د دې ترڅنګ چې د دغو چنګاښي ناروغیو ګراف به راټیټ شي د ښځو د رحم د سرطان ناروغي به هم په سلو کې ۴۳ کمه شي.

له همدې امله څېړونکو ویلي چې تر ۲۰۳۰ کال به د سرطاني ناروغیو ګراف په ډاراماتیکه توکه ټیټ شي. چې دا یو ښه خبر دی.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .