کراچۍ کې د م م کارکوونکى ټپي شو

د خپريدو وخت: 09:31 گرینویچ - دوشنبه 05 نومبر 2012 - 15 لړم 1391
کراچۍ

کراچۍ د پاکستان تر ټولو لوى ښار دى

د ملگرو ملتونو د ماشومانو د صندوق دغه کارکوونکى د مصر اوسېدونکى و چې د يکشنبې په ورځ( د نومبر ٤) پرې د ناڅرگندو کسانو له خوا ډزې وشوې.

د دې بريد دليل څرگند نه دى خو پوليس گومان کوي چې بريد کوونکي ښايي غلۀ وو.

د کراچۍ د پوليسو يوۀ افسر رسنيو ته وويل چې د ملگرو ملتونو درې نړيوال کارکوونکي په يوۀ رستورانت کې د ډوډۍ تر خوړولو وروسته راووتل په گاډي کې سپارۀ شول چې ډزې پرې وشوې.

پوليس وايي د مصر اوسېدونکى په اوږه ولگېد او ټپي شو.

د روان کال د جولاى په مياشت کې د روغتيا د نړيوال پروگرام دوه کارکوونکي هم په کراچۍ کې په نخښه شوي وو.

کراچۍ د پاکستان لوى صنعتي ښار دى چې شاوخوا ١٨ ميليونه کسان په کې اوسېږي.

دغه ښار په تېرو څو کلونو کې د تاوتريخواليو شاهد دى.

په کراچۍ کې په لسگونو کسان د توکميزو، مذهبي او سياسي سياليو په ترڅ کې په نخښه شوي او وژل شوي دي.

په دغه ښار کې څو ځله پر بهرنيو، په ځانگړې توگه لويديځوالو بريدونه شوي دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .