اوباما وايي اسراییل له ځانه ددفاع حق لري

د خپريدو وخت: 04:41 گرینویچ - 18 نومبر 2012 - 28 لړم 1391

اوباما وايي اسراییل له ځانه ددفاع حق لري

ولسمشر بارک اوباما د مصر، ترکیې او اسراییلو له مشرانو سره په منځني ختیځ کې د تاوتریخوالي د پای ته ورسولو په اړه خبرې وکړې.

په همدې حال کې امریکا د اسراییل ملاتړ کړی او ویلي یې دي چې اسراییل له ځانه د دفاع کولو حق لري.

له واشنګټنه د بي بي سي خبریاله کیم غتاس په دې هکله په خپل راپور کې وايي:

ولسمشر بارک اوباما او د اسراییلو صدر اعظم بنیامین نتنیاهو له هغه راهیسې چې تاوتریخوالی پیل شوی هره ورځ سره خبرې کوي.

د امریکا د ملي امنیت سلاکار بین روډیس ویلي امریکا په دې ګومان ده چې کړکېچ د هغو توغندیو له امله پیل شو، چې له غزې تراډې نه پر اسراییل توغول شوي وو.

د ولسمشر بارک اوباما ادارې دواړو خواوو ته پر اوښتي ملکي تلفاتو خواشیني څرګنده کړې خو یو ځل بیا یې دا خبره کړې ده چې اسراییل د ځان د دفاع حق لري.

په همدې حال کې یو شمېر امریکایان په غیر رسمي توګه پر غزې د ځمکنیو عملیاتو غوښتنه کوي.

په اسراییلي بریدونو کې لږترلږه ۴۶ فلسطينیان وژل شوي دي.

په واشنګټن کې د اسراییلو سفیر مایکل اورین وايي امریکا د اسراییلو بشپړ ملاتړ کړی چې هر لازم اقدام وکړي.

اخوا فلسطیني چارواکو شکایت کړي چې د واشنګټن قضاوت یواړخیزه دی او هغه څه چې عملاً ویني پام ورته نه کوي.

وړاندې د ملګرو ملتونو عمومي منشي بان کي مون هم ویلي وو، چې اسراییل له خپل ځانه د دفاع حق لري.

خو اسراییلو ددې پرځای، چې پر حماس ډلې بریدونه وکړي، په غزه کې یې د ولسي خلکو مېشت ځایونه په نښه کړي، چې نژدې څلوېښت کسان په کې وژل شوي دي.

په وژل شوو کې ښځې او ماشومان هم دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .