تر ۶۰ کلونو وروسته، د کعبې کولپ بدل شو

د خپريدو وخت: 11:53 گرینویچ - شنبه‬ 01 ډسمبر 2012 - 11 لیندۍ 1391

د عثماني خلافت پرمهال، د کعبې شریفې کولپ د سلطان عبدالحمید خان په امر جوړ شو، چې ان د سعود تر واکمنۍ پورې همدغه کولپ پرې اچول شوی و.

له تېرو نژدې ۶۰ کلونو راهیسې په لومړي ځل، د کعبې شریفې ددروازې کولپ بدل شو.

د کولپ بدلولو په مراسمو کې د مکې مکرمې امیر خالد الفیصل ګډون کړی و، چې له خالصو سرو زرو جوړ شوی او لګښت یې د سعودي پاچا ورکړی و.

همدارنګه، د کولپ بدلولو ترڅنګه، کعبه شریفه هم ومینځل شوه، چې هر کال دوه ځلې مینځل کېږي.

په دې مراسمو کې د مسجدالحرام امام عبدالرحمن السدیس، ځینو دپلوماتانو او د سعودي حکومت ځینو چارواکو ګډون کړی و.

د نوي کولپ کلي یوې مشهورې مکې مېشتې کورنۍ آل الشیبي ته ورکړل شوه، چې ویل کېږي، له تېرو څه باندې ۱۴۰۰ کلونو راهیسې تر قیامته پورې به ددغې کلۍ د ساتلو شرف ولري.

د کولپ او کلۍ تاریخ

د تاریخي مراجعو په حواله، د سلاطینو، عباسي، مملوکي او عثماني خلیفه ګانو به د کعبې مینځلو او یا نورو مناسباتو پرمهال د کولپ پرانیستلو امر کاوه.

د عثماني خلافت پرمهال، د کعبې شریفې کولپ د سلطان عبدالحمید خان په امر جوړ شو، چې ان د سعود تر واکمنۍ پورې همدغه کولپ پرې اچول شوی و.

دغه کولپ په ۱۳۸۹هـ ق کال د پاچا خالد بن عبدالعزیز آل سعود له لوري پرانیستل او بدل شو.

نوی کولپ هم د پخواني هغه په بڼه جوړ شوی.

د ویلو ده چې د کعبې شریفې د دوولسمې پېړۍ کولپ په اتلس اعشاریه یو میلیون ډالر وپلورل شو.

رویټرز خبري اژانس وايي، چې د کعبې شریفې ۵۸ کیلیانې د نړۍ په موزیمونو کې اېښودل شوې، چې یوازې ۵۴ یې د ترکیې- استانبول په "توبكابي" موزیم کې خوندي دي.

بله یې د السعید بنسټ، یوه د پاریس لوفر موزیم او یوه د قاهرې د اسلامي هنر په موزیم کې ساتل شوې دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .