'زانګوګانې' فلم د اسد راپرځېدو اټکل کړی

د خپريدو وخت: 09:08 گرینویچ - دوشنبه 03 ډسمبر 2012 - 13 لیندۍ 1391

فلم د باشرالاسد او د غرني زمري ترمنځ پرتله کوي، چې وايي وحشي زمری هم اهلي کېدلی شي.

د دوبۍ د سینمايي فلمونو فسټیوال کې د سوري "زانګوګانې" په نامه فلم جوړوونکی عمار البیک د روان کال د دسمبر پر وروستۍ نېټه د بشارالاسد د نظام راپرځېدا وړاندوېینه کړې ده.

د سوریې یوه فلم د روان دسمبر پر ۳۱مه د بشارالاسد د نظام راپرځېدو وړاندوېینه کړې ده.

د "زانګوګانې" په نامه ددغه فلم جوړوونکي عمارالبیک مینه والو دغه فلم پر یوټیوب کانال هم خپور کړی دی.

فلم جوړونکی د ټول فلم کیسه په یوڅو تورو کې رانغاړي چې وايي: "اسد، چورلکه، مجسمه، ماشومان ناسمه فضا، دا ټول ځړېږي".

دغه فلم جوړوونکی د دوو سوري زلمي وروڼو کیسه را اخلي، چې د ۲۰۱۲ مارچ پر ۱۵مه، یانې د سوري پاڅون د پوره یوه کال په پوره کېدو سره پيلېږي.

دواړه وروڼه د خپل پخواني کور په پاسنۍ برنډه کې ناست دي، مشر ورور د عکاسۍ یوه کامره ګوري، چې د لومړي ځل لپاره یې موندلې ده.

خو کشر ورور بیا د واکمن نظام له بمبارۍ، او کلسټري بمونو او د پاڅون کوونکو له متبادلو ډزو په وېره کې دی.

فلم جوړوونکی د ۲۰۱۲ د دسمبر پر ۳۱مه د واکمن سوري نظام د ړنګېدو وړاندوېینه کوي، یانې د پاڅون له پیل راهیسې د ټيک یو کال، نهه میاشتو او ۱۶ ورځو وروسته، چې په لړ کې یې تر ۵۰ ډېر کسان ووژل شول او سلګونه زره ونیول شول، او میلیونونه نور کډوال شول.

د اسد (زمري) روزنه

په فلم کې د دغو وروڼو هغه صحنه هم انځور شوې، چې په سوریه کې د ۲۰۱۳ د مارچ میاشتې په نړیوال سرکس کې ګډون کوي، یانې د بشارالاسد د واکمن نظام تر ړنګېدا ټیک دوه میاشتې وروسته نېټه.

"ه پام کې ده چې دغه فلم د دوبۍ د نړیوالو فلمونو په فسټیوال کې وښودل شي، چې په پام کې ده د روانې دسمبر میاشتې پر نهمه جوړ شي."

خو دغه وروڼه په ناڅاپي توګه د داړوونکو (زمریان) یوه ډله د سرکس اصلي لوبغاړي ویني.

لیکوال زیاتوي "په سرکس کې هم باید له اسد ووېرېږو، ځکه چې داړونکی دی، او شاید د ساتېری ځای ژر پر جګړې او وژنو واړوي، اسد (زمری) باید وروزل شي، په پای کې زمری په زانګو کې د سپرو دغو وروڼو تر پښو لاندې ګورو."

فلم تولیدوونکی دا هم وايي چې لومړی، زمری د ماشومانو په پښو کې زنګېږي، خو لږ هاخوا د ولسمشر د زانګو یوه مجسمه ده، ... بیا دغه زانګو د پاڅون کوونکو د ډزو په وسیله تر اسمانه رسي...."

د فلم هدف د هغه یوه پوځي افسر، چې له الوتکې پر خلکو، استوګن ځایونو او کلیو بمباري کوي، او د یوه وسله وال مبارز ترمنځ د نظر په ډاګه کول دي.

په پام کې ده چې دغه فلم د دوبۍ د نړیوالو فلمونو په فسټیوال کې وښودل شي، چې په پام کې ده د روانې دسمبر میاشتې پر نهمه جوړ شي.

دې ته ورته یو بل فلم هم د قاهرې په نړیوال فسټیوال کې وړاندې شوی و.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .