شهزاده ویلیم او کیت د لومړي ماشوم په انتظار

د خپريدو وخت: 06:38 گرینویچ - سه شنبه 04 ډسمبر 2012 - 14 لیندۍ 1391

شهزادګۍ کیت ګهیځ د سختې زړه بدۍ له کبله روغتون ته وړل شوې ده.

د برتانیا شاهي کورنۍ اعلان کړی، چې د شهزاده ویلیم مېرمن شهزادګۍ کیت میندواره، او دا مهال په روغتون کې ده.

دواړه اوس د خپل لومړي بچي په انتظار دي.

د شاهي کورنۍ او شهزادګۍ کیت د کورنیو غړو په دې خبر سره خپله خوښي ښودلې ده.

ددوی دغه لومړی ماشوم به په شاهي ترتیب تر شهزاده چارلز او شهزاده ویلیم وروسته د شاهي کورنۍ د واکمنۍ درېیم مشر وي.

خوا ګرځېدل

د شهزاده ویلیم یوه ویاند ویلي چې "میندواره شهزادګۍ کیت د میندوارۍ په درېیمه میاشت کې روغتون ته وروسته تر هغه یووړل شوه، چې سهار مهال خوابدي ورته پیدا شوه. دا چې د هغې د میندوارۍ لومړۍ شپې دي، نو د څو نورو ورځو لپاره به په روغتون کې د ډاکټرانو تر پاملرنې لاندې وي."

د واکمنې شاهي کورنۍ د چارو د بي بي سي خبریال پیټر هانټ وايي "ویلیم اوکیت به د اوونۍ رخصتي په پیرکیشایر کې د کیت له کورنۍ سره تېره کړي، اوس ویلیم له کیت سره د اووم اډوارډ په روغتون کې دی."

د برتانیا لومړي وزیر ډیویډ کامیرون پر خپل ټویټر لیکلي چې "په دې خبر ډېر خوشاله شوم، چې شهزاده او شهزادګۍ د خپل ماشوم په انتظار دي."

شهزاده ویلیم د ملکې الزابت لمسی دی.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .