پاکستان: بس ګاډي کې چاودنې پنځه کسان وژلي

د خپريدو وخت: 12:52 گرینویچ - شنبه‬ 29 ډسمبر 2012 - 09 مرغومی 1391

دغه بس کینټ سیمه کې د ریل ګاډی تم ځای ته څېرمه په یوه تم ځای کې ولاړ و.

د پاکستان د سند ایالت په کراچۍ ښار کې یوه بس کې د چاودنې له امله پنځه تنه وژل شوي او نژدې ۴۰ نور ټپیان دي.

چاودنه د کراچۍ په کینټ سیمه کې یوه ولاړ بس ګاډي کې شوې، چې ویل کېږي له دغه ځایه پنجاب ایالت ته تلونکی و.

دغه بس کینټ سیمه کې د ریل ګاډی تم ځای ته څېرمه په یوه تم ځای کې ولاړ و.

د ځايي پولیسو مشر چودري اسلم ویلي، چې چاودنه د ګاز ډبې د چاودنې له امله رامنځ ته شوې.

د نوموړي په خبره د چاودنې په ځای کې د بال بېرینګ او چرو ټوټې نه دی موندل شوې، چې معمولاً په بمي چاودنو کې ورڅخه کار اخیستل کېږي.

د چاودنې له امله بس په بشپړه توګه له منځه تللی او په شاوخوا کې یې د سپرلیو شیان خپاره پراته وو.

له کراچۍ نه د بي بي سي خبریال په خپل رپوټ کې ویلي، چې د چاودنې ځای د هغو بسونو تم ځای دی، چې له کراچۍ څخه د پاکستان نورو برخو ته مساپر لېږدوي.

رپوټ کې دا هم ویل شوي، چې ماښام مهال په دغه ځای کې ډېره ګڼه ګوڼه وي.

بل لور ته د کراچۍ صدر سیمې پولیس مشر ثاقب سلطان ویلي، چې چاودنه ډېره زوروره وه.

د نوموړي په خبره پولیس به د ګازو ډبې په اړه معلومات راټول کړي خو د بم شنډولو ډله به هم د پېښې ځای وګوري، چې له هغه وروسته به د چاودنې د څرنګوالي په اړه په څرګند ډول څه وویل شي.

د ځايي روغتون د ډاکټرې سیمي جمالي په وینا اکثر کسان د سوځېدو له امله وژل شوي دي او دغه راز اکثر ټپیانو هم د سوځېدو له امله ټپونه اخیستي دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .