کانګریس توپان ځپلو سره مالي مرسته تصویب کړه

د خپريدو وخت: 07:01 گرینویچ - شنبه‬ 05 جنوري 2013 - 16 مرغومی 1391

د روانې مياشتې په وروستوکې به د بېړنيو مرستو لپاره نورو ۵۰ ميلياردو ډالرو بېلولو ته هم رايه واچول شي.

د امريکا د متحده ايالاتو کانگریس د سوپر سنډي په نامه توپان چې په تېر اکتوبر کې يې د امریکا د ختېځو سیمو ځيني برخې وځپلې قربانيانو ته، د مرستې لپاره نژدې۱۰ ميليارده ډالر تصويب کړي.

خو د ماليو د لوړيدو او عامه لگښتونو د کمولو د مخنيوي د لانجمنې مسلې له امله د اوونۍ په پيل کې د دغې لايحې په تصويبولو کې د کانگریس پاتې راتلو، په سختو ځپل شويو سيمو کې د خلکو غوسه رواپاراوله .

د روانې مياشتې په وروستیوکې به د بېړنيو مرستو لپاره نورو ۵۰ ميلياردو ډالرو بېلولو ته هم رايه واچول شي.

په تېر ډسمبر کې ولسمشر اوباما له کانګریسه غوښتي وو، چې د توپان ځپلو سره مرستې ته ۶۰،۵ میلیارډه ډالر بېل کړي.

"د امریکا د کانګریس دواړو جرګو د مالیو د لوړېدو د مخنیوي لپاره تېره اوونۍ یو مهم سند تصویب کړ، چې له څو ورځو راهیسې یې پر هوکړه خبرې روانې وې."

د سپینې ماڼۍ ویاند وویل د سنډي توپان د زیان زیاته برخه د بیمو شرکتونه نه شي پوره کولی.

دغه توپان تر ۱۰۰ زیات کسان ووژل، د نیو یارک ځمکې لاندې اورګاډي ته سېلابونه ور ننوتل او په شمال ختیځو ایالتونو کې یې ډېر کورونه ړنګ کړل.

د امریکا د کانګریس دواړو جرګو د مالیو د لوړېدو د مخنیوي لپاره تېره اوونۍ یو مهم سند تصویب کړ، چې له څو ورځو راهیسې یې پر هوکړه خبرې روانې وې.

د امریکا ولسمشر بارک اوباما د دې هوکړې هرکلی وکړاو ویې ویل، چمتو دی چې د خپل هېواد د اقتصاد د پیاوړتیا لپاره په راتلونکو خبرو اترو کې جوړ جاړی وکړي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .