برازیل کې قاچاق وړونکې پیشو نیول شوې

د خپريدو وخت: 04:39 گرینویچ - 06 جنوري 2013 - 17 مرغومی 1391
نیول شوې پیشو

له دغې پیشو سره یوه غوږۍ او میموري کارټ، بیټرۍ او د تیلېفون چارجر هم موندل شوي دي.

د برازيل په يوه زندان کې يوه پيشو نيول شوې چې يوه کوچنۍ آره، د برمې غاښونه او يو موبايل ټېلېفون يې لېږدول.

دغه کار د نوي کال په ورځ په شمالي ښار اراپيراکا کې شوى دى.

د زندان ساتونکي له لوى ورۀ نه د پيشو تېرېدو حيران کړي و.

له سمې پلټنې وروسته يې له هغې سره ټول هغه څه وموندل چې يو بندي ورته د تېښتې لپاره اړتيا لري.

پيشو د څارويو د ژغورنې په يوه مرکز کې تر څارنې لاندې ده.

د پیشو تر بدن رابرټیپ راتاو شوی و.

چارواکو ویلي، چې ودې شي له دغو توکو کوم بندي د تېښتې هڅه کوله او په بهر کې یې له مجرمینو سره اړیکه نیوله.

له دغې پیشو سره یوه غوږۍ او میموري کارټ، بیټرۍ او د تیلېفون چارجر هم موندل شوي دي.

د اراپيراکا په زندان کې ټول ۲۶۳ بندیان ساتل کېږي.

د دغه ښار د وګړو شمېر ۲۱۵۰۰۰ ته رسېږي.

پولیس اوس د دغې پېښې پلټنه کوي.

د زندان یوه ویاند د ساوت پاولو "ایستادو دې" سیمه ییزې ورځپاڼې ته ویلي چې "دا به وروسته وموندل شي، چې د دې کار تر شا د چا لاس و، ځکه چې پیشو خبرې نه شي کولی. "

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .