بریتانیا پر سوریي یاغیانو د وسلو بندیز نرمول غواړي

د خپريدو وخت: 00:57 گرینویچ - چارشنبه 13 مارچ 2013 - 23 کب 1391

ښاغلي کمران وایې دې موضوع ته نه پاملرنه په سوریه کې خطر زیاتوي

د برتانيا لومړى وزير ډيويډ کمرون وايې دوی به د سوريې په تړاو اروپايي چلند او دريځ سره همغاړي پاتې شي خو په عينې حال کې يې دا هم ويلي دي چې که اروپايي ټولنه د وسلو په برخه کې په لگيدلی بنديز کې بدلون را نه ولي نو بيا برتانيا يو خپلواک هېواد دى ، خپله خپلواکه بهر نۍ تکلاره لرې ښايي او د وسلو لږيدلو بنديزونو په برخه کې به د خپلو شراېطو او تگلارو په رڼا کې پرېکړه وکړي.

لومړی وزير کمرون وایې د سوريې پر وړاندې بې پروا پاتې کيدل ښايي وضع نوره هم پسې خرابه کړي چې دا هر څه په سوریه کې د جهادي ډلو له ودې او پرمختگ نه ښه را جوتيږي.

ده د برتانيا د پارلمان غړو ته په وينا کې وويل که سوريه کې د واک د انتقال له بهیره ملاتړ کوي نو ددې معنى به دا وي چې بايد د حکو مت مخالفو ډلو سره کار وکړو .

په دې وروستیو کې بریتانیا او فرانسې هڅه وکړه چې په دغه بندیز کې یو څه نرمښت راشي خو بریالي نه شوو.

د اروپايي ټولنې غړي هېوادونه د بنديز په سر چې د مئ په مياشت کې نوی کيدونکې دی سره ويشلي دي .

فرانسه هم لکه د برتانيا په څير غواړي چې په دغه بنديز کې نرمښت راشي ځکه د حکو مت مخالفو ډلو ته د وسلو د تر لاسه کولو اجازه نه ورکوي.

خو د ټولنې بل غړى هیواد جرمني ويره لري چې دا به په سوريه او شا او خوا سیمو کې د وسلو خوريدو ته لاره هواره کړي .

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .