مصر کې د جوړ جاړي لپاره ګډه غوښتنه

Image caption د مصر موقت لومړي وزیر حزیم الببلاوي ویلي، د اخوان المسلمین د احتجاجي کمپونو لېرې کولو پرېکړه حتمي ده.

له هغه وروسته چې د مصر موقت حکومت دغه هېواد کې د روان بحران د حل لپاره د نړبوالو هڅو د نابریالیتوب خبره وکړه، د امریکا متحده ایالاتو او اروپايي اتحادیې له ټولو لوریو غوښتي، چې یوه جوړ جاړي ته ورسېږي.

په یوه ګډه بیانیه کې د متحده ایالاتو د بهرنیو چارو وزیر جان کېري او د اروپايي اتحادیې استازې کېتهراین اشټن پر موقت مصري حکومت د جوړ جاړي د بهیر پیل کولو غږ کړی، دوی دغه راز د سیاسي قیدیانو د سملاسي ازادۍ غوښتنه کړې.

بل لور ته د مصر موقت لومړي وزیر حزیم الببلاوي ویلي، د اخوان المسلمین د احتجاجي کمپونو لېرې کولو پرېکړه حتمي ده او دا چې د تشدد مخه به په بشپړ زور سره ونیوله شي.

دوو امريکايي سناتورانو جان مک کين او ليندزي ګراهام مصر ته د سفر پر مهال

محمد مرسي لرې کېدل "کودتا" بللې او خبرداری يې ورکړی چې دموکراسي د ثبات يوازنی مشروع لار ده.

دوی دغه راز د ملي خبرو اترو د ترسره کېدو غوښتنه کړې، چې اخوان المسلمين هم په کې راځي.

د مصر موقت ولسمشر عدلي منصور دغه څرګندونې رد کړي او هغه يې د "مصر په کورنيو چارو کې مداخله" بللې ده.

اخوان المسلمين هم په يوه ډول د دغو دوو سناتورانو پر هڅو نيوکه کړې ده.

د اروپايي ټولنې، قطر او عربي متحد اماراتو استازي هم د دغې کشالې د هواري لپاره په مصر کې دي.

اندېښنې

اوس هغه اندېښنې مخ په زياتېدو دي چې ښايي د مصر پوځ د لرې کړای شوي ولسمشر محمد مرسي پر پلويانو چې د ده د بېرته ولسمشر کېدو لپاره اعتراضونه کوي، د تاوتريخوالي زمينه برابره کړي.

جان مک کين او ليندزي ګراهام د محمد مرسي لرې کول "کودتا" بللې

مصر له هغه وروسته چې پوځ محمد مرسي لرې کړی، په کړکېچ کې دی.

د راپورونو له مخې له هغه وروسته چې ښاغلی مرسي د جولای پر ۳مه لرې شوی د اعتراضونو پر مهال په مصر کې ۲۵۰ کسه وژل شوي دي.

ورته مطالب