د مصري پوځي استخباراتو پر مرکز برید شوی

مصر
Image caption دغه برید پر مصري اسلامپالو تر بریدونو وروسته شوی.

د مصر سیناء کې د پوځي استخباراتو پر یوه مرکز موټر بم چاودنه شوې ده.

د مصر حکومتي تلوېزیون ویلي، چاودنې لږترلږه څلور کسان ،ژلي دي.

په دې چاودنه کې، چې د غزې تراډې له پولې سره نژدې رفح ته څېرمه شوې، لږترلږه لس کسان ټپیان شوي.

دا پېښه وروسته تر هغه شوې، چې سیناء کې د پوځ عملیاتو لږترلږه نهه سخت دریځي اسلامپالي وژلي دي.

په تېر جولای کې د محمد مرسي تر لیرې او نیول کېدا وروسته، د مصر سیناء کې د سخت دریځو اسلامپالو بریدونه ډېر شوي دي.

بله چاودنه

عیني شاهدانو ویلي، د استخباراتو پر مرکز تر چاودنې وروسته، د پوځي تلاشۍ پوستې ته نژدې یوه بله چاودنه وشوه.

سیناء کې نژدې هره ورځ پر امنیتي کسانو چاودنې کېږي.

دا چاودنې وروسته تر هغو ډېرې شوې، چې د مصر پوځ هلته خپل عملیات وغځول.

پوځي جنګي الوتکو د سپتمبر پر اوومه د وسلو، ګاډو او ان ویل کېږي، چې د وسله والو پټن ځایونه بمبار کړي.

د وروستیو کلونو په اوږدو کې دا عملیات په سیمه کې تر ټولو لوی عملیات ګڼل شوي.

شنونکي وايي، د مرسي او اخوان المسلمین ګوند پرضد د مصري پوځ کړنو د سیناء شمال کې د اورپکو راپورته کېدو لامل شوي دي.

ورته مطالب