چينايانو ته د دوو ماشومانو لرلو حق ورکړای شو

Image caption د چين کانګرس اعلان کړی که څوک يو ماشوم ولري کولی شي بل هم وزېږوي

چین په رسمي توګه د دغه هېواد د یوه ماشوم زيږولو پالیسۍ کې نرمښت راوستی او اوس چينايان کولای شي دوه ماشومان هم ولري.

د چین د کانګرس کمېټۍ یو داسې قرارداد تصویب کړی، که مور او پلار یو ماشوم ولري، دوی کولای شي دویم هم وزیږوي.

دغه اعلان په نومبر کې د کمونیسټ ګوند د لوړپوړو مشرانو له غونډې وروسته کېږي.

د يوه ماشوم زېږولو پاليسي کې نرمښت همدا اوس د چين په ځينو ايالتونو کې د عملي کېدو په حال کې دي.

يوه بله طرحه هم تصويب شوې چې له مخې يې کمپونو کې د جبري بيا زده کړو ختمولو وړاندیز هم تصویب شوی دی.

خو له دې ټولو سره خبريالان وايي د چين دا وړ سياستونو پر وړاندې په تدريجي ډول د خلکو مخالفتونه زيات شوي.

د چين مشران له دې اندېښمن دي، چې ګواکې د نفوسو ډېره برخه يې مخ په زړښت دی.

تر ۲۰۵۰ کال پورې به د چين يو پر څلورمه وګړي له ۶۵ کلونو زيات عمر ولري.

چين چې د نفوسو شمېر يې تر یو ميليارد لا پخوا اووښتی هڅه کوي د نفوسو ډېروالی کنټرول کړي.

ورته مطالب