کيف کې مظاهره چيان د ولسمشرۍ ماڼۍ ته ننوتي

د انځور حقوق Reuters
Image caption د پوليسو او امنيتي ځواکونو ترمنځ د تېرو ورځو نښتو کې لسګونه کسان ووژل شول

اوکرايني مظاهره چيانو په پلازمېنه کيف کې د ولسمشر ويکتور يانوکووېچ رسمي دفتر او د اوسېدو ودانيو ته وروسته له هغه ننوتي چې امنيتي ځواکونه ترې ووتل. پوليس وايي دوی له خلکو سره دي.

دغه پېښه له هغه ۲۴ ساعته وروسته رامنځته شوې چې چې د ولسمشر ویکتو يانوکووېچ او اپوزېسيون ترمنخ د اوکراين د سياسي کړکېچ د پای ته رسېدو په موخه موافقه وشوه.

د بي بي سي يو خبريال چې د ولسمشرۍ ماڼۍ په محوطه کې دی، وايي داسې برېښي چې په ودانۍ کې څوک نه شته.

مالومه نه ده چې ولسمشر ويکتور يانوکووېچ چېرې دی.

د ازادۍ ډګر

سره له دې چې په اوکراين کې د سياسي کړکېچ د هواري لپاره د ولسمشر ويکتور ينکووېچ او اپوزېسيون ترمنځ پر يوې موافقې هوکړه شوې، زرګونه مظاهره چيان د ازادۍ په ډګر کې دی.

د اوکراین د پلازمینې کیف د آزادۍ په ډګر کې زرګونه لاريون کوونکو شپه تېره کړه.

دغه مظاهره چيانو پر داسې مهال لا هم د ازادۍ په ډګر کې دي چې اپوزېسيون او حکومت پر يوې ګډې موافقې سره سلا شول.

د دوی په منځ کې اروپايي ټولنې، امريکا او روسيې منځګړتوب کاوه، چې خبرو يې څو ساعته وخت ونيوه.

له وخته وړاندې ټاکنې

د موافقې له مخې د ولسمشرۍ ټاکنې به له مخکني مهالوېش نه مخکې کېږي او د ملي يووالي حکومت به جوړېږي.

د موافقې له مخې حکومت به د ۲۰۰۴ کال اساسي قانون ته بېرته ورګرځي چې د ولسمشر واکونه په کې محدود دي.

خبریالان وايي لاریون کوونکي له احتیاط نه کار اخلي او زیاتره یې باور نه لري چې وروستۍ معامله به پلې شي.

لاریون کوونکو د اپوزېسيون پر مشرانو وروسته تر هغه ملنډې وهلې چې د تړون له لاسلیک وروسته د دریځ پر سر راڅرګند شول.

په کيف کې د بي بي سي خبریال وايي د لاریون کوونکو یوې ډلې خبرداری ورکړی که ولسمشر یانوکویچ د شنبې ورځې تر سهاره له خپلې دندې استعفا ونه کړي نو پر دولتي ودانیو به برید وکړي.

ورته مطالب