کامیرون سکاټلنډ ته د نورو واکونو ورکولو ژمنه وکړه

د انځور حقوق AP
Image caption ډیویډ کامیرون یوځل بیا خپلې هغه ژمنې تازه کړې، چې سکاټلنډ ته به د مالیو، لګښت او ټولنیزې هوساینې راوستلو په تړاو لانور واکونه ورکړي.

د بریتانیا لومړي وزیر ډیویډ کامیرون ویلي، د بریتانیا پارلمان کې درې ګوندونه به پر خپلو ژمنو ودرېږي او سکاټلنډي پارلمان ته به نور واکونه ورکړي.

نوموړي دا هم ویلي، اوس هېواد د لاغوره راتلونکي پر لور بېولو وخت دی.

دی زیاتوي، چې په انګلستان، ویلز او شمالي آیرلنډ کې وګړي باید لاغوره راتلونکی ولري.

نوموړي یوځل بیا خپلې هغه ژمنې تازه کړې، چې سکاټلنډ ته به د مالیو، لګښت او ټولنیزې هوساینې راوستلو په تړاو لانور واکونه ورکړي.

سکاټلنډيانو د خلکو د ګډون له اړخه په يوه بې سارې رايه اچونه کې له برتانيا سره د پاتې کېدو په حق کې رايه ورکړه او خپلواکي يې رد کړه.

د يوځای پاتې کېدو کمپاين مشر الېسټر ډارلنګ وويل سکاټلنډيانو په بې ضرورته جلا کېدو يو ځای پاتې کېدل غوره کړل.

د سکاټلنډ مشر وزير الېکس سلمونډ چې د خپلواکۍ کمپاين مشري يې کوله خپله ماتې منلې ده.

د مارګرېټ کېلې په نوم يوه رايه ورکوونکې په همدې هيله وه، چې تر لاسه شوې ده:

د انځور حقوق AFP
Image caption له تېرو څه باندې درو سوو کلونو راهیسې سکاټلنډ د بریتانیا تر واکمنۍ لاندې و.

"ډېره وارخطا وم، ستومانه وم او دې شېبې ته په انتظار وم. ټوله شپه مې خدای ته لاسونه پورته کړي و او دوعا مې کوله چې هر کس هو غوره کړي."

که څه هم تر اوسه رای اچونه دوام لري، خو ښکاري چې پر موجوده پایلو به ډېر اغېز ونه کړي.

تر اوسه له بریتانیا سره د پاتې کېدو په پلوي ۵۵ سلنه او د خپلواکۍ په پلوي ۴۵ سلنه رایې اعلان شوې دي.

په دې رای اچونې سره د اسیا په بازارونو کې د پاونډ ارزښت هم لوړ شدی دی.

له تېرو څه باندې درو سوو کلونو راهیسې سکاټلنډ د بریتانیا تر واکمنۍ لاندې و.

د سکاټلنډ مهم ښار او مرکز ګلاکسو کې، چې د بریتانیا درېیم لوی ښار دی، د خپلواکۍ او یوځای پاتې کېدو پلویانو رایې ورکړې، چې د خپلواکۍ غوښتونکو رایې ۱۹۴۷۷۹ او د پاتې کېدو د پلویانو رایې ۱۶۹۳۴۷ ته رسېدلې.

د رای اچونې د مرکزونو تر تړل کېدا وروسته یوې حکومتي وېبپاڼې پخپله نظرپوښتنه کې خپلواکۍ ته د "نه" رایې اچوونکو کچه ۵۴ سلنه او د خپلواکۍ غوښتونکو سلنه ۴۶ اعلان کړې ده.

د انځور حقوق EPA
د انځور حقوق Getty

کلامنچر هغه لومړنۍ سیمه وه، چې د خپلواکۍ نه اخیستو په پلوۍ یې پایلې راووتې.

په رای اچونه کې د خلکو خلکو د ګډون کچه اووه نوي سلنه ښودل شوې، چې د رایې ورکولو حق لري.

دا د بریتانیا په تاریخ کې لومړی ځل دی، چې شپاړس کلونو ته هم د رای اچونې حق وکړل شو.

د انځور حقوق AP
Image caption د سکاټلنډ مشر وزير الېکس سلمونډ چې د خپلواکۍ کمپاين مشري يې کوله خپله ماتې منلې ده.
د انځور حقوق BBC World Service
Image caption له هېواد بهر هم د رای اچونې لپاره ۲۶۰۸ مرکزونه جوړ شوي وو.

د رای اچونې لپاره تر دوو زرو ډېر مرکزونه پرانیستل شوي وو، چې د پنجشنبې پر ماښام لس بجې رای اچونه پای ته ورسېده.

په دې وسیله کې د غږ اوريدل او ویډیو لیدنه شونې نه ده.

شاید دغه پایلې د جمعې ورځې پر ګهیځ د شپږ نیمو او اووه نیمو بجو ترمنځ اعلان شي، کټ مټ لکه د بریتانیا د ۲۰۱۰ کال د پارلماني ټاکنو او د سکاټلنډ پارلمان د ۲۰۱۱ کال د ټاکنو پایلې چې پر همدې وخت اعلان شوې وې.

ورته مطالب