تایوان کې څه باندې ۵۰۰ کسان د اورلګېدنې له کبله ټپیان شوي

د انځور حقوق EPA
Image caption په رپوټونو کې ویل شوي، چې ځینې کسان ان ۴۰ سلنه سوځېدلي دي

د تایوان په پلازمېنه تایپي کې په یوه تفریحي پارک کې د چاودنې او اور لګېدنې له کبله له ۵۰۰ ډېر کسان ټپیان شوي دي.

د اور وژنې ادارې ویاند وايي، چې کېدای شي اور د رنګه پوډرو د سپرې له کبله رامنځ ته شوي وي.

په دغه اور لګېدنه کې ۱۸۰ کسان سخت سوځېدلي، چې ځینې کسانو هغه پوډر هم تنفس کړي چې ویل کېږي د دغه اور لګېدنې لامل شوي او د دوی ساه اخیستنه یې له ستونزو سره مخ کړې.

دغه پېښه ځای مهال سره سم د شپې اته نیمې بجې شوې. دغه مهال هلته شاوخوا زر کسان موجود وو.

د خبري اژانس سي این ای رپوټ کې ویل شوي، چې ځینې کسان ان ۴۰ سلنه سوځېدلي دي.

د اور وژنې ادارې ویاند بي بي سي ته وویل، له ۲۱۵ کسانو څخه ۸۳ کسان سخت سوځېدلي او ۱۳۲ کسان یې برسیرن ټپیان دي.

په تایوان کې د ځايي رسنۍ وايي له اور لګېدنې مخکې د پوډرو په بڼه مواد په هوا کې خپاره شول چېله کبله یې د اور لګېدنې اصلي لامل معلوم نه شو.

اړونده کارکوونکو ژر تر ژره اور کابو کړاو ټپیان نژدې روغتون ته ولږېدول شول.

د رپوټونو پر بنسټ د شنبې په ورځ د هوا ګرمي له ۳۶ درجو هم لوړه شوه، چې له دې کبله ډېرو کسانو د اوبو پارک ته مخه کړه.

د انځور حقوق EPA
Image caption په دغه اور لګېدنه کې ۱۸۰ کسان سخت سوځېدلي

له اور لګېدنې وروسته چارواکو په چټک ډول د پارک د تړلو امر وکړ.

په تایوان کې له اور نه د خوندیتوب لپاره نیمګړي تدابیر، په نا قانونه ډول د ودانیو جوړول او د اړوند قوانینو نه مراعتول د دې لامل شوي چې په تېرو کلونو کې د اور لګېدنې ډېرې پېښې شوې.

په روان کال کې هم د اور لګېدنې له کبله د اور وژنې ۶ کسان ووژل شول.

ورته مطالب