د يمن جنوب عدن کې درنه جګړه روانه ده

د انځور حقوق Reuters
Image caption ويل کېږي په تېرو څلور مياشتو کې په يمن کې د تاوتريخوالي له کبله ۳۲۰۰ کسان وژل شوي

له يمن څخه راغلي راپورنه ښيي په عدن کې درنه جګړه روانه ده.

دولتي چارواکي وايي د حوثي ياغيانو د ډزو له کبله د عدن په جنوبي برخه کې ۴۳ کسان وژل شوي او له ۱۰۰ زيات نور ټپيان دي.

د تېرې شنبې پر ورځ دولتي ځواکونو د ښار د ولکې لپاره پر ياغيانو هوايي بريدونه کړي وو.

په تېرو څو مياشتو کې د عبدربه منصور هادي د پلويانو او د حوثي ياغيانو تر منځ عدن کې درنه جګړه روانه ده.

د ولسمشر منصور هادي پلويان چې د سعودي ايتلافي ځواک له هوايي ملاتړ برخمن دي وکولای شوای د ښار ډېرې برخې تر خپلې ولکې لاندې راولي.

خو دولت ته وفادارو ډلو ونشوای کړای چې د ياغيانو وروستۍ سيمه، تواهي ټاپو وزمه ونيسي.

د تېرو څو ورځو پرمختګونو وروسته د عبد ربه منصور هادي حکومت نيولې سمې "ازادې" ونومولې.

د يمن له شمال څخه شيعه ډله چې د حوثيانو په نامه يادېږې او د يمن پخواني ولسمشر علي عبدالله صاحل ملاتړ ورسره دی د دې هېواد د پلازمېنې په ګډون ځېنې سيمې تر ولکې لاندې لري.

ويل کېږي په تېرو څلور مياشتو کې په يمن کې د تاوتريخوالي له کبله ۳۲۰۰ کسان وژل شوي.

ورته مطالب