د یمن پولې ته نژدې د سعودي عربستان یوه چورلکه لوېدلې

د انځور حقوق AFP

د سعودي عربستان ځواکونه وايي، د یمن پولې سره نژدې د یوې چورلکې د لوېدو له کبله دوه پېلوټان یې وژل شوي دي.

د عربستان د پوځ په اعلامیه کې راغلي چې د چورلکې د سقوط په اړه څېړنې روانې دي.

بلې خوا د یمن په شمال کې حوثي شیعه ډلې ویلي، چې د دوی ځواکونو د سعودي عربستان یوه چورلکه ویشتلې ده.

د سعودي عربستان په مشرۍ د سیمه ییز ائتلاف لخوا پر حوثیانو او د یمن پخواني ولسمشر عبدالله صالح پر پلویانو د روان کال له مارچ میاشتې راهیسې هوايي بریدونه پیل شوي.

په دغو بریدونو کې شاوخوا ۴ زره کسان وژل شوي دي.

سعودي عربستان او ملاتړي یې د عبدربه منصور هادي له دولت څخه ملاتړ کوي.

شیعه حوثیانو د ۲۰۱۴ کال به سپتمبر کې د یمن پلازمېنه صنعا ونیوله او د یمن ولسمشر عبد ربه منصور هادی عدن ته لاړ چې له هغه ځایه بیا سعودي عربستان ته لاړ.

ورته مطالب