د هند دوو ايالتونو کې تندر ۳۲ کسان وژلي دي

د انځور حقوق Getty
Image caption په هند کې د پشکال پر مهال د تندر لوېدو پېښې عادي دي

راپورونه وايي د هند د اندرا پردېش او اوړيسه ايالتونو په بېلابېلو سيمو کې تندر لږترلږه ۳۲ کسان وژلي دي.

د اندرا پردېش ايالت په اوو ولسواليو کې ۲۳ کسان وژل شوي دي.

نهه کسان نور په ختيځ اوړيسه ايالت کې وژل شوي دي.

راپورونه وايي د دغو پېښو ډېری قربانيان هغه کسان دي چې په خپلو کروندو کې په کار بوخت او د يکشنبې پر ورځ سخت باران کې ايسار شول.

په هند کې د پشکال پر مهال د تندر لوېدو پېښې عادي دي.

د وژل شويو ۳۲ کسانو په مينځ کې شپږ ښځې هم شته.

راپورونه وايي د ښځو د کرېکټ دوه لوبډلې هغه مهال په منډه خلاصې شوې، چې د تندر لمبو له دوی سره نژدې د خرما يوه ونه وسوځوله.

د هند ټايمز آف انډيا ورځپاڼې ته د کرېکټ بورډ يوه لوړپوړي چارواکي ويلي: ''دا بيخي يوه معجزه وه چې زموږ لوبغاړي او مسوولين منډې له تندر نه خلاص کړل.''

په اوړيسه ايالت کې چې اندرا پردېش سره په خوا کې دی د تندر لمبو نهه کسان وژلي او اته نور يې ټپيان کړي.

دغه پېښې د اوړيسه ايالت په بېلابېلو سيمو کې شوې دي.

په هند کې شاوخوا ۸۰ سلنه اورښتونه پشکال کې کېږي او دغه بارانونه د جنون او سپټمبر مياشتو ترمنځ کېږي.

ورته مطالب