روسیې له مصر نه تر اوسه ''۱۱ زره روسي سیلانیان ایستلي''

د انځور حقوق AP
Image caption دا مهال مصر کې شاوخوا ۸۰ زره روسي سیلانیان دي

روسیه وايي، په تېرو ۲۴ ساعتونو کې یې له مصره خپل ۱۱ زره وګړي را ایستلي دي. د روسیې د لومړي وزیر مرستیال ارکادي دورکویچ وویل، تمه لري نور هم راوباسي. بریتانیا هم له مصره د ۳۵۰۰ سیلانیانو د ایستلو اعلان کړی.

تر هغه وروسته چې له روسیې سره اندېښنې پیدا شوې چې د سیناء د پاسه لوېدلې الوتکه ښایي په بم غورځېدلې وي او الوتکې یې وځنډولې، په مصر کې تر ۸۰ زره پورې روسان بند پاتې وو.

د ۲۲۴ وژل شوو سپرلیو په یاد مراسم په سانت پیترزبورګ کې پر ځای شول.

د انځور حقوق AP
د انځور حقوق AP

د پلټونکې ډلې غړي رویټرز خبري اژانس ته ویلي، په سلو کې ۹۰ باوري دی چې د الوتکې په کابین کې ثبت شوی غږ د بم دی.

په مصر کې د روسي سیلانیانو شمېر نژدې ۸۰ زره و، چې ډېری یې په شرم الشیخ او الغردقة سیمو کې و.

روسیې د تېرې جمعې په ورځ مصر ته د خپلو الوتنو ځنډولو اعلان وکړ.

بریتانویان په شرم الشیخ کې څو ورځې د ستنېدو په تمه وو.

د انځور حقوق AP

د بریتانیا حکومت ویلي، ډېرې کمې الوتکې د سره سمندر پر سر شرم الشیخ ته د الوتو لپاره چمتو وې.

رویټرز وايي، له مصر نه د بریتانویانو ایستل شاید لس ورځې وخت ونیسي.

اټکل دی چې د سیاحت او لېږدونې شرکتونه د وګړو ایستلو لپاره وخت وغځوي.

د انځور حقوق Reuters

ورته مطالب