دوبۍ کې برج خليفه سره نژدې اور لګېدلی

د انځور حقوق Reuters
Image caption ځايي چارواکو ويلي چې د اور وژنې ډلې د پېښې ځای ته رسېدلې دي.

د دوبۍ په مرکزي برخه کې تر ټولو دنګې ودانۍ ( برج الخليفه) سره نژدې ودانۍ کې اور لګېدلی.

د راپورونو له مخې اور د دوبۍ په ادرس هوټل کې لګېدلی، چېرته چې د نوي ۲۰۱۶ کال لپاره اور لوبې او مراسم ترسره کېدل.

ځايي چارواکو ويلي چې د اور وژنې ډلې د پېښې ځای ته رسېدلې دي.

دوى وايي اور اوس تر کنټرول لاندې دی او په دغه پېښه کې ۱۶ کسان ټپيان شوي دي.

د دغو کسانو د ټپي کېدو علت لا نه دی روښانه.

ويل کېږي د دوبۍ مرکزي برخه کې شاوخوا دوه ميليونو وگړو د نوي کال په مراسمو کې برخه اخيسته.

له خلکو غوښتل شوي چې د ادرس هوټل شاوخوا پرېږدي او خوندي ځايونو ته ځانونه ورسوي.

ادرس هوټل ۶۳ پوړونه لري.