د ټرمپ مېرمن وینا کې د ځینو خبرو په غلا کولو تورنه شوې

د انځور حقوق Reuters
Image caption ملانیا ټرمپ تر اوسه د خپل مېړه په تبلیغاتي کمپاین کې ډېر څه نه دي کړي، خو زوی یې ډېر فعالیت کړی دی.

د امریکا ولسمشریزو ټاکنو ته د جمهوریپال ګوند ډونالډ ټرمپ مېرمن ملانیا ټرمپ تېره شپه د ګوند په یوه ناسته کې یوه لانجمنه وینا وکړه. د اغلې ټرمپ د وینا یوه برخه د ولسمشر اوباما د مېرمنې له خبرو سره ورته والی درلود همدا وو چې په 'ادبي غلا ' تورنه شوه.

پر نوموړې تور ولګول شو، چې په خبرو کې یې د نورو خلکو خبرې راخیستې دي.

ویل شوي چې ددغو خبرو منځپانګه د ولسمشر اوباما د مېرمنې د هغو خبرو یوه برخه وه، چې په ۲۰۰۸ کال کې یې کړې وې.

میشل اوباما هغه مهال د دیموکرات ګوند په یوه ناسته کې ورته خبرې کړې وې.

ملانیا ټرمپ سلوونیا کې زيږېدلې. دې پخپلو خبرو کې د کورنۍ او ټولنې پر ارزښت ټینګار وکړې، او خپل مېړه یې یو "زړه سواندی" سړی وباله، چې په وینا یې د خپل هېواد لپاره مبارزه کوي.

دا په ټاکنیزو منډو ترړو کې د اغلې ملانیا لومړنۍ وینا ده، چې د وینا د متن لیکلو کې یې له نورو مرسته غوښتې ده.

وړاندې ویل شوي وو چې اغلې ټرامپ دا متن پخپله لیکلی دی.

د انځور حقوق Getty

هغې په خبرو کې هڅه وکړه چې خپل مېړه یو پرېکنده، زړه سواندی او یووالی خوښوونکی سړی معرفي کړي.

ملانیا ټرمپ تر اوسه د خپل مېړه په تبلیغاتي کمپاین کې ډېر څه نه دي کړي، خو زوی یې ډېر فعالیت کړی دی.

ورته مطالب