BBCPashto.com
BBCPerisan.com
BBCUrdu.com
BBCRussian.com
BBCUzbek
BBCArabic.com
BBCChinese.com
BBCMundo.com
 
د خپريدو وخت: 09:07 گرينويچ 2008 ,20 اگست
 
دا پاڼه کوم ملگري ته ولېږئ   چاپي بڼه
المپيک: افغانستان لومړنى مډال وگاټۀ
 
المپيک: افغانستان لومړنى مډال وگاټۀ
روح الله نيکپا لومړنى لوبغاړى دى چې په المپيک لوبو کې افغانستان ته مډال گټي
د ٢٩ مو المپيک لوبو په ترڅ کې د افغانستان تيکواندو لوبغاړي روح الله نيکپا نن ( چارشنبې د زمري ٣٠ د اگست ٢٠ ) دژيړو مډال وگاټۀ .

له دغه برياليتوب وروسته افغان ولسمشر حامد کرزي په ټيلې فون له روح الله نيکپا سره مخامخ خبرې وکړې او مبارکي يې ورکړه .

د افغانستان دالمپيک کېټې مشرانور جگدلک بي بي سي پښتو وېبپاڼې ته وويل چې افغانن حکومت به نيکپا ته د دغه برياليتوب له امله يو کور ورکوي .

ښاغلي جگدلک دا هم وويل چې يوې مرستندويې موسسې په کابل کې ويلي چې دغه لوبغاړي ته به ٥٠ زره ډالرره انعام هم ورکوي .

د ٥٨ کيلو گرامه وزن په لوبو کې روح الله نيکپا خپله لومړنۍ لوبه د جرمني له تونکت ليوينت څخه څلور درې وگټله .

که څه هم روح الله نيکپا په منځلوبه يا کواټر فاينل کې د مسيکسو له لوبغاړي لوبه وبايلله خو مکسيکويي لوبغاړى خپله نيمه پايلوبه هم وگټله او په دې ډول افغان لوبغاړي د ژيړو د مډال لپاره موقعې وموندله .

د ژيړو لپاره روح الله نيکپا د برتانيا يوۀ لوبغاړي او ورپسې اسپانيوي لوبغاړي انتونيو روموز ته ماتې ورکړه .

انتونيو روموز د تيکواندو نړيوال اتل و په دې ډول د افغان لوبغاړيي دغه برياليتوب لا ډير د پام وړ دى .

افغانستان ښايي د بل مډال گټونکى هم شي ځکه چې په تيکواندو کې بل افغان لوبغاړى
نثار احمد بهاوي به د پنجشنبې په ورځ لوبې کوي .

نثار احمد بهاوي د ٦٨ کيلوگرامه وزن په سياليو کې د امريکا له لوپيز مارک سره سيالۍ ته وتونکى دى .

د افغانستان د المپيک ريس انور جگدلک وايي د دوى هيله تر روح الله نيکپا هم ډيره بهاوي ته ده چې نړيوالو لوبو کې يې په تيررو کلونو کې مډالونه گټلي دي .

روح الله نيکپا خپل سيالان په کلکو گوزارونو نرم کړل

افغانستان په لومړي ځل په ١٩٣٦ کال کې په المپيک لوبو کې گډون کړى و .

په هغو لوبو کې چې په جرمني کې ترسره کيدې د افغانستان د هاکي ملي لوبډلې له ډنمارک سره لوبه شپږ په شپږ ممساوي کړې وه او همدا يې تر ټولو ښه لوبه وه .

په راوروسته کلونو کې افغان لوبغاړو تر ډيره په لومړنيو پړاونو کې لوبې بايللې وې .

له ١٩٣٦ کال راهسيته په ترسره شويو ١٧ المپيک لوبو کې افغانستان يوازې په ١١ کې برخه اخيستې ده .

د طالبانو له نسمکوريدو راهيسته افغانستان په بيلا بيلو نړيوالو لوبو کې ځليدلى دى .

څو کاله وړاندې يوې افغانې ميرمنې په اسيايي لوبو کې هم د ژيړو مډال گټلى و .

د افغانستان د المپيک کمېټې مشر انور جگدلک وايي په تيرو کلونو کې افغانستان په گڼو لوبو کې تر دوو سوو ډير مډالونه گټلي دي .

په ډله ييزو لوبو کې هم د افغانستان د فوټبال لوبډلې په لومړي درې لوبې په همدې تيرو کلونوکې وگټلې .

د افغانستان د کريکټ لوبډلې بيا په نړيوالو سياليو کې دوه اتلولۍ گټلي دي .

افغان لوبغاړي وايي که چيرې موقعې او شرايط ورته برابر شي نو دوى د دې وړتيا ښوولې ده چې په نړيوالو سياليو کې وځليږي .

د لوبو مينه وال وايي په المپيک لوبو کې لومړنى مډال د افغان لوبغاړو د دعوې ښکاره ثبوت دى .

 
 
نوم
تخلص*
ښار
هيواد
برېښناليک
تيلې فون*
* اختياري
ستاسو تبصره
 
  
 
ورسره تړلي نور خبرونه
نور خبرونه
 
 
دا پاڼه کوم ملگري ته ولېږئ   چاپي بڼه
 
 
 
 
BBC Copyright Logo ^^ سرپاڼه
 
  لومړى مخ | افغانستان | نړۍ | پروگرامونه | څپې او وختونه
 
  BBC News >> | BBC Sport >> | BBC Weather >> | BBC World Service >> | Learning English >>
 
  د اوريدو ستونزې او حل لارې | له موږ سره اړيکه | محرميت