Coronavirus: Nigeria COVID-19 cases climb to 51

Visitors to one goment hospital collects face masks, hand gloves and have dia hands sanitise as dey walk past di security post entrance in Lagos, on February 28, 2020 Image copyright PIUS UTOMI EKPEI
Image example Security man for one goment hospital inside Lagos on February 28, 2020

Di Nigeria Centre for Disease Control (NCDC) don confam five new cases of #COVID19 for di kontri, say two of di new cases dey for Abuja di kontri capital, two for Lagos and one for Rivers state.

For dia twitter account as at 11:25 pm 25 March, three of di confam cases bi travellers wey dey come into Nigeria and two dey in close contact wit a confam case.

Dis mean say di total confam cases for Nigeria now don reach 51.

Earlier on Monday 23 March, 2020 di NCDC bin confam say one pesin bin die from di virus for di kontri.

For tweet, di NCDC say di pesin na 67 year old male wey return from UK afta medical procedure wey im go do.

Dem add say di man bin already get "underlying medical conditions - multiple myeloma and diabetes and im bin dey undergo chemotherapy.

Dis na di break down of di confam cases on state by state basis according to di NCDC.

Out of di 51 confam cases for Nigeria, two pipo don recover from di disease and one pesin don die.

One of dem na di index case wey carry am come Nigeria from Italy.

Topics Wey Dem Resemble

Another thing we de for inside dis tori