Yinka Odumakin: A part of me don go- Joe Okei-Odumakin, wife of Afenifere spokesman react to im death

Yinka Odumakin

Wia dis foto come from, Yinka Odumakin

Wife of di toktok pesin of Afenifere, Yinka Odumakin wey die early Saturday morning, Dr. Joe Okei-Odumakin don describe her husband death as sad and say a part of her don comot.

Dr Okei-Odumakin for one statement say her husband die di for intensive care unit of Lagos State University Teaching Hospital (LASUTH) wia dem dey manage im respiratory issues wey dey due to COVID-19 complications, which she tok say e don recover from about a week ago.

Dem go make im burial arrangement public soon according to her.

Afenifere spokesperson, Yinka Odumakin don die

Di toktok pesin for di Pan-Yoruba socio-political group, Afenifere Yinka Odumakin don die.

Report say di popular activist wey don sick for a while now die early Saturday morning for di Lagos State University Teaching Hospital.

One of di Yoruba leaders Prof. Banji Akintoye confam di tori to BBC Pidgin in a phone interview.

Prof. Akintoye say di news of Odumakin death still dey shock am as per say like papa im be to am (Odumakin). E describe im death as a great loss to di Yoruba pipo.

Wetin we call dis Video,

''If Buhari restructure Nigeria today, Sunday Igboho call for separation go stop''

Who be Yinka Odumakin?

Odumakin be one di pipo wey play key role in di National Democractic Coalition (NADECO) wey gfight di regime of General Sani Abacha afta im annul di election of June 12, 1993.

E also be one of di toktok pesins for di Southern and Middle Belat Leaders' Forum (SMBLF), di join body wey dey represent ethnic nationalities for South-West, South-South, South-East and di Middle Belt.

Odumakin wife be Dr Joe Okei-Odumakin anoda activist wey aslo dey very popular for Nigeria.

Nigerians dey pay tributes to Odumakin

Nigerians don begin to mourn di death of Oga Yinka Odumakin.

Di Aare-Onakakanfo of Yorubaland, Gani Adams say im death na huge loss and a big blow to di Yoruba nation. E say Odumakin be one ogbonge ally wey dey dependable.

For one statement wey im toktok pesin Kehinde Aderemi sign, Adams say ''Yoruba don loss a gem and dependable ally''.

Also , di Nigerian Minister of Interior, Rauf Aregbesola for im verified twitter handle describe Odumakin as a ''pesin wey dey fight doggedly for human dignity''

Wia dis foto come from, Screenshot

A former presidential candidate Omoyele Sowore say di ''death na necessary end!

Anoda presidential candidate Dele Momodu also tweet im tribute say 'e dey too sad''

Jimi Agbaje , wey bi di former Lagos state govnorship candidate tweet