Dammy Krane: America don free me but Nigerians still dey call me 419

Share Dis Tin With Email Share Dis Tin With Facebook Share Dis Tin With Twitter Share Dis Tin With Whatsapp

Image copyright @dammykrane_worldstar
Image caption Di singer say people wey dey live overseas dey always look anybody wey get black skin as 419

Nigerian singer Dammy Krane no dey happy with im country people wey still dey call am wayo man after police arrest am for America on top accusation say im do fraud with credit card.

Di singer wey US court free for August, enter social media to warn Nigerians make dem stop to dey call am fraudster.

Dammy Krane say Nigeria get plenty mata wey serious pass im own wey people suppose dey put eye for.

US Court don free Dammy Krane

Why some Wizkid fans attack Shatta Wale

E say overseas people dey always look anybody wey get black skin as fraudster and dat one don ginger am to start movement wey im call "A fight against crime".

Dammy Krane say e go use di movement take teach people about crime.