Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Summary

  1. Dem don begin vote for Kenya for dia presidential election.
  2. One person don die for Kisumu after police fire real bullets as people dey protest.
  3. Police fire real bullets wey wound two people as dem dey protest for Kisumu, western Kenya.
  4. E be like say voting dey slow today than di one wey bin happen for 8 August
  5. President Uhuru Kenyatta bin win di 8 August election but Supreme Court cancel di election.
  6. Opposition leader Raila Odinga say make im supporters no come out to vote for di election.
  7. Na for 06:00 local time (03:00 GMT) dem begin vote and na for 17:00 local time e go end.

Live Reporting

By Onyinye Chime

All dem times wey dem write be UK

Wetin don happen so far?

We go end dis action page for tori wey concern repeat presidential election for Kenya as e happen today 26 October, 2017.

Wetin don happen so far:

Di repeat presidential election happen today for Kenya

But people no come out plenty as dem bin do on August 8.

Di main opposition wey be Raila Odinga and im National Super Alliance, (NASA) Party shun di election.

Odinga even tell im supporters to sidon for dia dormot for today.

At least one person die for Kisumu where opposition get strong influence for western Kenya. Dat na after Police fire teargas and live bullet to chase protesters comot.

From tori we see today for di whole of Kenya, di areas where opposition party get more influence like Kisumu, Mobasa and Kibera, dem people no even fit vote.

For oda areas like di Nairobi, voting take place and even di current president wey dey also contest dis election Uhuru Kenyatta come out to vote.

Chairman of Kenyan electoral commission Wafula Chebukati shift today election for Migori, Siaya, Kisumu and Homa Bay until Saturday 28 October..

We dey comot here, dis live page don finish.

Di next tin wey go happen? We never comot eye for Kenya and we go continue to dey bring tori as e dey happen. Make una maintain for our website.

Una thank you and bye bye.

Dem don shift election for some areas inside Western Kenya

Di chairman of Kenyan electoral commission Wafula Chebukati don announce say elections for four areas inside western Kenya dem don shift am until Saturday 28 October. Dis four areas na Migori, Siaya, Kisumu, Homa Bay.

Sharp-sharp informate about di repeat presidential election.

Sharp-sharp informate about di repeat presidential election.

Di only vote inside dis ballot box for Kibera

Di only vote inside dis ballot box for Kibera

New York Times tori person wey be di East Africa Bureau Chief na im post dis picture wey dey di only vote inside dis ballot box for Kibera since after nine hours wey di election start.

3 pm. The lone ballot paper cast at Olympic Primary School in Kibera, where demos haven't quit & tear gas has been… twitter.com/i/web/status/9…

Opposition supporters dey fight with police inside Kibera

As Kenyan people dey vote inside di repeat presidential election, police and opposition supporters don fight for Kibera - area where opposition get more influence inside di capital, Nairobi.

Di main opposition leader Raila Odinga don tell im supporters to shun di election, even advise dem to sidon for dia dormot.

Instead, some of of dem go block di road wey people suppose pass go where dem suppose vote.

Opposition supporters wey dey for dis picture carry machetes and rocks dey do di protest.

Opposition supporters wey dey fight police for Kiberia
BBC
Opposition supporters for Kiberia

Kenya Chief Justice wey follow cancel August election don vote

Kenya Chief Justice David Maraga wey with three of im fellow judges, cancel di August presidential election, don vote.

Yesterday im bin announce for Supreme Court say dem no fit take decision whether di election suppose hold or not because some judges no come court.

Today foto show as im go vote:

Justice David Maraga
Ntv

Election officials wey dey sleep for Mombasa

One group wey say dia work na to make government do di right thing post dis video wey show say people no too come out to vote.

IEBC officials napping on the job due to low voter turnout in Mombasa County. @KPTJ_Kenya @AfriCOG @OleItumbi… twitter.com/i/web/status/9…

Prisoners don dey vote for Elections

One group for twitter wey talk say dem dey make sure say government dey accountable, don post video of people wey dey prison dey vote for western Kenya.

#ElectionViolations: Nakuru voting on-going - very few agents present, animosity towards local NGO monitors, who re… twitter.com/i/web/status/9…

How person take die for Kisumu

Emmanuel Igunza

BBC Africa, Kisumu

At least one person don die and five others wound after police scatter people wey gather for Kisumu wey dey Western Kenya.

Police use tear gas and real bullets to pursue people wey dey protest as dem no wan follow for today presidential election.

Dem carry nineteen-year-old George Odhiambo go main hospital for Kisumu as blood dey pour comot from im body after dem shoot am for laps. Im die as dem try to save am.

One doctor for di hospital tell BBC say Odhiambo bin lose plenty blood when dem shoot am.

Im brother tell me say dem bin siddon for dia house dormot dey look people wey dey protest.

Four other people wey get gun wound na im dem carry go hospital di same time. Dem don dey strong small small.

Many people no come out to vote as di opposition tell dem - and many places where people suppose go vote, dem block road so dat dem no go fit waka pass.

Raila Odinga leg strong for dis Kisumu area.

Map of Kisumu
BBC

Di election body get some informate

Voting started 6am in most of the polling stations. A few opened late due to logistical challenges. They get time compensation after 5pm

Low turnout as #ElectionsBoycottKE dey trend

IEBC Returning Officer having fun time in Matian'gi home polling station #KumiraKumira #ElectionsBoycottKE

IEBC Returning Officer having fun time in Matian'gi home polling station #KumiraKumira #ElectionsBoycottKE

Police for Kisumu where dem dey pursue people wey dey protest.

Police for Kenya
Reuters

Why people no too come out to vote?

Kenya opposition join-body Nasa say make people no come out to vote for di presidential election today.

But dat no be di only reason why e be like say people never too come out to vote.

BBC Newsday ask our reporters wey full ground for Kenya to ask dem why.

David Wafula just come back from one of di biggest polling stations for di capital city, Nairobi.

If you compare from di earlier election, people no too come out for dis one, im talk.

"Some people dey take dia time, dey look as things dey, before dem come out to vote," im add.

Ferdinand Omondi dey outside one of di roads wey lead to where voting suppose happen for Mombasa.

"Even those wey wan vote no get di chance to vote", im talk.

"People dey stop others make dem no go vote. Dey don begin burn fire for road wey people go pass go vote."

"I dey smell tear gas, wey fit mean say dem don spray small to pursue people."

"Di rain don begin fall well-well, wey fit make people begin go house early."

Dem don shoot for Kisumu

BBC tori person Emmanuel Igunza say police don fire real bullets for Kisumu, western Kenya.

Two people don wound - na for laps dem shoot dem.

One of dem na 15-year-old boy and di other na 21-year-old man.

Both of dem dey for hospital dey collect treatment.

Our tori person add say dem don also fire tear gas to pursue people wey gather.

For dis Kisumu, di opposition get leg strong for di area.

Dis photo show as police use heavy water to pursue people:

Police dey pursue people wey dey protest for Kisumu
Reuters

Opposition leader Raila Odinga tweet dis one today

Raila Odinga tweet
Raila Odinga/Twitter

People still dey come out for some areas to vote

Old woman wey dey come vote for Kenya
BBC

Picture as di voting dey happen

Voter for Kenya
BBC

Wetin local radio stations dey report

For areas where opposition leader Raila Odinga dey popular wey be di western region for Kisumu, some local radio FM stations dey report say people obey Odinga as im talk say make dem no come out to vote. Dem say polling stations open for Siaya, Kisumu, Homa Bay and Migori counties.

Di stations dey also report say people wey dey protest don block road come begin burn fire.

For central Kenya and di western Rift Valley region where President Uhuru Kenyatta get support, di radio stations say things dey go well.

BBC tori person Anthony Irungu jam dis people for Mutomo primary school for Gatundu.

Kenya family wey wear country flag as clothe
BBC

E be like say flood water go make some people no vote

Kenyan newspaper di Daily Nation tweet dis one from east of di capital Nairobi:

VOTING MATERIALS destroyed in Kitui Central as bus ferrying them is swept by floods; police clash with anti-poll pr… twitter.com/i/web/status/9…

President Uhuru Kenyatta don vote

President Uhuru Kenyatta tell tori people wey gather where im vote say na time for Kenyans to cast dia votes and move forward.

Main opposition candidate, Raila Odinga, don tell im supporters make dem no show face for di election.

Uhuru Kenyatta
BBC

Today, people for Kenya dey vote for re-run election. Dis election dey happen after di country Supreme Court bin cancel di 8 August 2017 Presidential election results and say make di election body do new one.

Dem begin vote early for Kenya for re-run of di presidential election, but e be like say people no too come out to vote.

Di main opposition leader Raila Odinga tell im supporters make dem no come out to vote.

BBC tori people full ground to give you di latest gist of everything wey go happen.