Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Summary

  1. Alexis Sanchez go remain for Arsenal abi im dey go Manchester City?
  2. Liverpool don ready to bring dia player Naby Keita come di club dis January?
  3. Na three clubs for England dey find Arsenal striker Theo Walcott

Live Reporting

All dem times wey dem write be UK

Join

  1. Bye bye

    Oya na, na here we go match break for all di football transfer tori today. But di tori go continue for our Facebook page.

  2. Who no know go know...

    If you never hear, di tori be say DR Congo player Cedric Bakambu na di Africa player wey expensive pass because Chinese Super League side Beijing Guoan don sign am.

    Di money fit reach €74million (plus €18million salary wey im go dey collect) and dat one mean say e go pass di €38.7million wey Liverpool take buy Mohamed Salah.

    Di tori dey buzz for internet. whoateallthepies.

    Cedric Bakambu
    Image caption: Bakambu don score 46 goals for Villareal for two and half seasons.
  3. E go happen...e no go happen?

    Di tori on top Chelsea midfielder Eden Hazard and Real Madrid dey always show every time new transfer window open. Dis one no different.

    French Radio Station RMC dey report say di player don gree to relocate to di Spanish capital. Dem talk say people wey dey represent di Belgian don do meeting with Real Madrid ogas dem for Monte Carlo some days ago.

    Chelsea midfielder Eden Hazard
  4. Salah fit follow Coutinho enter Spain?

    When you don already score 23 goals and season never end, your name no go miss for people mouth.

    Na so e be for Liverpool striker Mohammed Salah because, tori be say Real Madrid don put eye for di player.

    Sky Italia dey report say because of di way Barcelona don add Phillipe Coutinho to dia team, di Galacticos no wan carry last so dem dey reason am say Salah na dia guy.

    Liverpool striker Mohammed Salah
    Image caption: Mohammed Salah dey on fire for Liverpool even as e be say na im first season for di club.
  5. Post update

    Still on di matter...

    As we dey talk transfer matter, no forget dis man.

    Phillipe Coutinho
  6. Post update

    Meanwhile...

    No be every time you go see person wey don reach 50 years old but still dey play professional football.

    View more on twitter
  7. Valencia don confam Coquelin signing

    After ten and a half seasons, Francis Coquelin don comot for Arsenal, go Valencia.

    Im join Arsenal from French side Laval for 2008 and play 160 times for di first team.

    View more on twitter
  8. No Anfield for Keita?

    Another one from BBC Sport na say RB Leipzig say dem no get any plan to allow Liverpool complete di signing of midfielder Naby Keita dis transfer window.

    Last August, Liverpool agree to pay £51m for di 22-year-old Guinea international, and im suppose join dem dis July.

    Tori come out dis week say Leipzig go accept extra payment of about £15m if Liverpool want am di month.

    But di German club say: "Nothing new about dis situation so dat tori no true."

    Naby Keita
  9. Barcelona new defender

    BBC Sport dey report say Barca go soon announce di signing of Palmeiras defender Yerry Mina for £10.44m.

    Di La Liga leaders say di 23-year-old Colombian don agree five-and-a-half-year deal.

    Im fit replace Javier Mascherano wey be like say im dey go China to join Hebei China Fortune?

    Yerry Mina
    Image caption: Yerry Mina
  10. Post update

    Sanchez to Man U?

    Latest tori from Sky Sports Italy be say Manchester United don enter to sign Alexis Sanchez from Arsenal.

    In fact sef, di tori na say dem wan add Henrikh Mkhitaryan for di deal.

  11. Most expensive African footballer?

    DR Congo player Cedric Bakambu fit become di most expensive African player if im join Chinese Super League side Beijing Guoan.

    Tori be say Villarreal fit do business for £65m.

  12. Make Sanchez go or make im stay?

    Arsenal coach Arsene Wenger say im decision to put Alexis Sanchez for bench against Chelsea on Wednesday no get anything to do with all di talk about whether di striker wan comot for di club or not. Wenger say im want make di player stay.

    Wetin you think, make im stay or make im go?

    Alexis Sanchez
  13. Welcome

    Welcome football fans to dis our live page on di transfer window wey dey happen mostly for Europe. E get any player you go want make your club buy or sell? Dat one player wey go help una do well for di remaining of di season? Oya na, put mouth here, we go like hear from you. Welcome.