Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Summary

  1. Some world leaders don congratulate Buhari for im re-election
  2. Atiku don reject election result, say im dey go court
  3. Muhammadu Buhari don collect INEC Certificate of Return as Nigeria President-Elect
  4. Muhammadu Buhari don win Nigeria 2019 presidential election
  5. Nigeria Senate Presido Bukola Saraki lose im election for Kwara State
  6. Speaker of Nigeria House of Reps Yakubu Dogara win im election for Bauchi State
  7. INEC confam say one of dia staff die for Rivers State
  8. INEC chairmo Mahmood Yakubu say fake result dey spread for social media
  9. Voting don end for Nigeria wia pipo vote to elect president and national lawmakers

Live Reporting

By Daniel Semeniworima and Nduka Orjinmo

All dem times wey dem write be UK

  1. Na here we go march break!

    Na here we go march break ontop dis Nigeria 2019 Presidential election ogbonge live tori dem.

    Before we go make we sama una some of di victory foto dem from across northern Nigeria.

    Abuja
    Image caption: Abuja
    BBC
    Image caption: Abuja
    Kaduna
    Image caption: Kaduna
    BBC
    Image caption: Kaduna
    Kaduna
    Image caption: Kaduna
    View more on facebook
  2. How some Nigeria newspapers bin report Buhari victory on Wednesday

    See how some Nigeria news papers bin report Buhari victory on Wednesday

    Guadian
    THISDAY
    Nationa
  3. 2015 election beta pass 2019 - Nigeria Election Observer

    Dis Election Observer for Bayelsa and Delta state no hold back evritin wen e observe.

    Benjamin Bedford, Election Observer from Cleen Foundation say 2015 election beta pass 2019 own.

    View more on facebook
  4. APC say Rivers election gbege na eye opener

    APC say di gbege wey happun during presidential election for Rivers State na eye oppener

    Dem say even inside di midst of heavy intimidation against Rivers APC, for election where dem no get candidates, APC supporters still tour out with well over 200,000 votes.

    Tonye Cole wey speak for APC tok say if dem compare wetin APC get inside dis election of 2019, to di score of just 69,000 votes dem get for 2015 wit all di intimidation, e show say tins dey improve.

    APC
  5. Dis na di worst election in 30 years - Atiku

    "Wen you compare di figures of di results of di election, you go see say di numbers no add up. Na for dis reason wey make I reject di result"

    Dat na wetin Aiku Abubakar, di PDP candidate for im world press conferece.

    "Inside my 30 years struggle for democracy dis na di worst election I don see."

    Even military neva organize dis kain yeye election, na wetin Atiku tok say im tell Abdulsami Abukakar on Monday wen dem tok for phote

    View more on facebook
  6. Foto of Buhari as im collect di certificate wey confam in #NextLevel

    Victory dey sweet no be lie.

    See foto of Buhari as im collect di certificate wey confam in #NextLevel

    Presidency
    Presidency
    Presidency
    Presidency
    Presidency
    Presidency
    View more on twitter
  7. 8 House of Reps. election results from River State wey INEC approve

    Results for seven house of Reps and one senate wey don comot for Rivers state show say PDP naim win dem.

    But di remaining 5 house of Reps and two senate seats Rivers East and Rivers West senatorial districts dey inconclusive.

    Dis na according to National Assembly results wey INEC publish.

    Dis na because results from four local goment dem, Ikwerre, Okrika, Ahoada West and Emohua dey cancelled and election no hold for two local goment - Akuku Toru and Bonny sake of violence and military invasion wey happen dia.

    INEC never tok if dem go do any repeat elections for dis areas

    House of Reps. election results
  8. Atiku Press Conference as e dey happun

    View more on facebook

    Video content

    Video caption: Atiku Press Conference as e dey happun

    Dis na fotos from Umar Musa Yar'Adua Conference centre wia PDP Presidential Candidate Atiku Abubakar dey address tori pipo for world press conference.

    Peter Obi
    Image caption: PDP Vice Presidential Candidate Peter Obi
    PDP National Chairman Uche Secondus
    Image caption: PDP National Chairman Uche Secondus and one party member
    PDP
    John Nwodo, Taminu Turakin and oday PDP ogas
    Image caption: John Nwodo, Taminu Turakin and oday PDP ogas
    PDP
    Buba Galadima wear red cap dey greet pipo
    Image caption: Buba Galadima wear red cap dey greet pipo
    BBC
    BBC
  9. Atiku wan break silence for di first since e lost election

    Nigeria main opposition candidate Atiku Abubakar just announce say im go address world press conference live by 4pm on Wednesday.

    Atiku wey don already reject di results say e go challenge am for court plan to di toko-tok wit tori pipo for Musa Yar'Adua Centre.

    You fit find di tori here by dat time.

    Atiku Abubakar
    Image caption: Atiku Abubakar
  10. APC dey ask Nigerians to tell Buhari wetin im go focus dis 2nd term

    President Muhammadu

    Nigeria goment party APC dey ask pipo to tell dem wetin dem want President Muhammadu Buhari to pay more attention to, for im second tenure.

    Di options include:

    1. Economy/Jobs
    2. Fight Against Corruption
    3. Infrastructure
    4. Security
    View more on twitter
  11. Nigeria President-Elect, Muhammadu Buhari dey collect im Certificate of Return

    Muhammadu Buhari dey collect im Certificate of Return as di tear rubber president of Nigeria from di kontri election office, INEC for Abuja.

    According to Nigeria 2010 electoral act, di election office go within a period of seven days give Certificate of Return to di winner of election after dem declare di result.

    President Muhammadu Buhari and Vice President Yemi Osinbajo na im follow collect and sign di Certificate of Return as winners of di 23 February, 2019 Presidential election.

    View more on facebook
    View more on twitter
  12. Kano barber dey give free haircut to celebrate Buhari win

    Oga Idris dey offer free barbing for im shop Soft Touch wey dey Kano to celebrate President Buhari victory.

    Kano barber
  13. Get Involved

    Wetin Nigerians wan from Presido Buhari for di next four years?

    Sani Ibrahim for Kano say im want Presido Buhari to take special interest on issues wey concern those wey dey physically challenged.

    Sani
  14. BreakingAtiku don reject election result, say im dey go court

    Atiku

    Presidential candidate of di People's Democratic Party, oga Atiku Abubakar don reject di result of election wey INEC say na candidate of di APC, presido Muhammadu Buhari win.

    Im tok say im neva see election wey bad like dis, and say im dey go court.

    For statement wey im media team release on Wednesday, wey oga Atiku sign imsef, im say e dey clear say "magomago wey dem bin don plan, happun for many states wia dem announce result."

    "Di one wey make eye water pass na say e no dey possible say states wey katakata dey happun go get pipo wey come out to vote than states wey dey peaceful.

    "Di way dem use oppress voters for areas wey I get strong leg clear sotey shame catch me as Nigerian. How total voters for Akwa-Ibom, for instance, go dey 50% less than wetin dem be for 2015?" Im ask.

    Im also mention states like Lagos, Akwa-Ibom, Rivers and odas, wia im party PDP strong, and say magomago happun but say authorities no do anything and even join hand sef.

    "If to say I lose free and fair election, I for don call pesin wey win sharp-sharp, congratulate am, and even offer my services to help unite Nigeria like bridge between di North and di South."

    Im come assure im supporters and Nigerians say togeda, "we no go allow democracy make e enta chains."