Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Live Reporting

By Daniel Semeniworima

All dem times wey dem write be UK

  1. Na here we go march break.

    Na here we go march break for dis election tori mata on top Nigeria governorship and House of Assembly mata.

    As we dey waka, make we leave dis video of tori of Great Ogboru wey be APC Govnorship Candidate for Delta State south-southern Nigeria, wey don reject di results INEC declare PDP Govnor Ifeanyi Okowa winner of di 9 March Govnorship election.

    Enta we Facebook page make you ansa dis kwesion we dey ask based on wetin Buhari dey yan.

    By di way President Muhammadu Buhari say “I happy say Nigerians understand my message wen I say election must dey free and fair"

    Abeg from di election wey happun for your area you agree and understand wetin Buhari dey tok?

    View more on facebook
    View more on facebook
    View more on facebook
  2. BreakingKano Govnorship Elections dey INCONCLUSIVE!

    INEC Chief Returning Officer Professor BB Shehu just declare di 9 March Govnorship Election for Kano State Inconclusive.

    Before dem declare di results inconclusive PDP bin dey lead wit 1,020,465 votes while APC dey behind wit 987,459 votes afta dem count votes from all di 44 local goment areas inside di state.

    Kano don join Benue, Sokoto, Adamawa, Bauchi and Plateau states wey Nigeria election office declare say di election neva complete.

    INCONCLUSIVE! mata dey happun wen di difference between di winning party and di party wey dey behind no big pass di di total number of voters for places wia election no hold. Wen dis kain tin happun di election office go need conduct fresh election for those places to decide di winner.

    Before Professor Shehu finally say di election dey inconclusive e get one Local Goment Area wey give headache - Dan na Nasarawa, LGA.

    INEC pipo bin try do all necessary corrections for hours before dem announce Nasarawa wey be di last wey remain for governorship elections results.

    Professor BB Shehu
    View more on facebook
  3. How Govnor Samuel Ortom and Gabriel Suswam react wen INEC declare Benue Govnorship Election INCONCLUSIVE

    Govnor Samuel Ortom dey para say "if di security pipo take side den we ready make dem kill all of us."

    Former Govnor Gabriel Suswam don ask PDP supporters make dem no cause gbege but remain calm as di party go prepare well-well to win di next election wen INEC set di new date.

    View more on facebook
  4. INEC delete Okorocha name from Nigeria senators-elect list

    Rochas Okorocha name dey miss from di list of senators-elect wey di Independent National Electoral Commission (INEC) bin publish on Monday 11 March, 2019.

    INEC bin declare Okorocha Okorocha wey be di Governor of Imo state for south eastern Nigeria winner o represent Imo West Senatorial District for di 23 February election.

    INEC Returning Officer, Innocent Ibeabuchi bin tell BBC News Pidgin say say im dey under duress wen im declare Okorocha as di winner on 23rd February.

    Video content

    Video caption: BBC Exclusive: " Dem beat me, force me to declare fake result"
    View more on twitter
  5. Rivers Govnorship Election results: "Make INEC declare me winner" - AAC Awara

    AAC Biokpomabo Awara

    Di governorship Candidate of African Action Congress AAC Biokpomabo Awara say make Nigeria election office INEC declare am di winner of di governorship election for Rivers State.

    Dis dis tok dey come one day afta Independent National Electoral Commission, INEC suspend evritin wey concern election mata inside di state wey dey for south-southern Nigeria.

    Awara tell BBC News Pidgin say because from result wey dem get, im dey lead for 15 local goment areas before INEC come suspend di election say di reason wey dem give say violence dey no hold water.

    Di AAC Candidate come demand say make INEC also redeploy di INEC Resident Electoral Commissioner Obo Effanga comot because im allege say di REC and oda INEC Staff and Adhoc staff dem dey biased to favour PDP.

    E claim say because dem carry pipo wey be card carrying members of PDP to be Returning Officers and because say di REC no fit conduct any election successfully for Rivers State.

    INEC reply Rivers AAC candidate tok say e no hold water

    BBC News Pidgin ask di INEC Resident Electoral Officer for Rivers State Obo Effanga say di allegations no dey true and e no get any substance because di Commission don set up fact finding team to audit di electoral process as e dey now.

    Effanga wey dey respond to all all dis accuse for Biokpomabo Awara say e better to allow di INEC audit committee from Abuja to finish dia work.

    Di INEC Oga for Rivers State say dem follow due process to appoint returning officers so if pipo wey get political interest dey inside, no be dia intention because for di training and recruitment time, dem tell each pesin say dem no go fit serve as electoral officials if dem get any partisan interest.

  6. Delta Election Update: Nollywood actor Hank Anuku say Okowa score 2-0

    Nollywood actor Hank Anuku AKA Senator say im feel good say Okowa win di election.

    E say Okowa score 2-0

    View more on facebook
  7. Deputy Governor of Kano State Yusuf Gawuna don regain freedom

    Deputy Governor of Kano State Yusuf Gawuna don regain freedom.

    Kano Police tok-tok pesin tok inside statement say Gawuna no dey part of di team wey go to scata counting of votes inside Nasarawa local goment but say dem rescue am from wia di gbege happun.

    Deputy Governor of Kano State Yusuf Gawuna don regain freedom
  8. Nigeria Army reply to British High Commission ontop Rivers Govnorship Election

    Karina Igonikon

    BBC Pidgin, Lagos

    Army for Ogu

    Di Nigeria Army say di accuse wey dey fly upandan against dem say dem dey interfere wit election for Rivers State na like e fit mislead pipo.

    Some bad pipo carry jaguda pipo wey wear miliary pipo uniform to go harass and intimidate dia opponent and snatch electoral materials, Colonel Sagir Musa wey be Army tok-tok pesin yan for statement wey im give tori pipo for Port Harcourt.

    Col. Sagir come insist say di Nigerian Army no get any political side and still dey maintain dia professional conduct for di 2019 general election across di kontri as di Chief of Army Staff direct dem.

    E come tell foreign pipo to mind demsef no interfere for di national internal affairs especially wen dem no get credible evidence.

    Na UK High Commission bin write tori say "Make dem allow INEC staff to do dia job without intimidation"

    Na wetin British High Commission bin advice authorities for Rivers State, south-southern Nigeria on Sunday wia Returning Officers of di kontri election office wey be INEC neva fit begin announce dia govnorship election results from Saturday voting.

    UK High Commissioner for Nigeria say dem dey concerned about di di kain tori dia observers dey report ontop di elections wey happun yesterday for Rivers State and dem dey monitor di situation closely.

    View more on twitter
  9. BreakingINEC don declare Benue Govnorship Election INCONCLUSIVE

    INEC don declare Benue Govnorship Election inconclusive.

    Dis one don add to Sokoto, Adamawa, Bauchi, Plateau states wey dey di list of states wia Nigeria election office INEC no fit conclude di 9 March election.

    Di difference between APC and PDP na 81,554 and wia election no hold di total voters na 121,019, so as di number of votes for places wia election no hold plenti places di differences di election office go need conduct fresh election for dos places to decide di winner.

    Party supporters journalists for Gov. Samuel Ortom house afta INEC declare im election inconclusive.
    Party supporters journalists for Gov. Samuel Ortom house afta INEC declare im election inconclusive.
    Party supporters journalists for Gov. Samuel Ortom house afta INEC declare im election inconclusive.
  10. We dey Live for Facebook

    Our tori pipo dey give di latest as more and more results dey come our from Saturday Govnorship and House of Assembly elections for Nigeria.

    View more on facebook
  11. Get Involved

  12. Govnor Okowa don do thanksgiving service sharperly

    Princess Igho Williams

    BBC Pidgin

    Delta State govnor Ifeanyi Okowa wey INEC declare winner of di state election, don give baba God thanks.

    Final Result:

    Registered Voters 2831205

    Accredited Voters 1188784

    APC 215938

    PDP 925274

    SDP 1136

    AAC 914

    Total valid votes 1154188

    Total votes cast 1178335

    Rejected votes 24147

    View more on twitter
  13. BreakingKano police say dem no arrest Deputy Govrnor, say dem just dey wit am

    Mansur Abubakar

    BBC Pidgin, Kano

    Police for Kano State say no time dem arrest di state deputy govnor for election magomago, say dem just dey wit am.

    Tori bin come out earlier say police arrest Govnor Ganduje deputy Yusuf Gawuna, afta im go scata one collation centre, but police say no be so. Police tok-tok pesin say no be arrest, say oga Gawuma just dey wit dem.

    Meanwhile di state Police Commissioner Muhammad Wakil don do meeting wit di state INEC oga for di election bodi headquarters, wia dem wan begin announce more election result for di govnorship election.

    Kano CP
  14. Celebration don sara for Nasarawa State

    Supporters of Abdullahi Sule wey be di candidate of di All Progressives Congress for Nasarawa State don begin celebrate.

    Prof. Abdullahi Bala, wey be Returning Officer for di election, announce Sule as governor-elect on Monday for Lafia afta di collation of results from di 13 local goment areas of di state.

    Oga Bala say di APC candidate get total of 327,229 votes to defeat oda opponents for di election.

    woman wey dey celebrate
    woman dey happy
    A.A Sule
    Nasarawa bikers
  15. BreakingINEC don declare Govnor El-Rufai winner for Kaduna State


    INEC don declare Kaduna State govnor, Nasir El-Rufai, as winner of di govnorship election, wey go make am siddon for four more years.

    Returning Officer for di state Prof. Muhammed Bello say Govnor El-Rufai win pesin wey follow am for back wit 231,259 votes.

    Prof. Bello say di govnor get 1, 045, 427 while Isa Ashiru of di People's Democratic Party get 814, 168.

    Already, PDP don threaten to reject di election result if e dey ‘against di wish of di pipo.‘

    Di party chairman for di state Felix Hyet, claim say magomago dey di election.