Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Live Reporting

By Helen Oyibo and Daniel Semeniworima

All dem times wey dem write be UK

  1. Na here we go march break

    Na for here we go march break for di live tori of Lagos Island Building Collapse for south west Nigeria.

    Authorities say rescue operation go continue for as long dem feel say pipo still trap inside.

    Make we leave una wit dis video of how Lagos Deputy Govnor go visit some victims of di building collapse.

    Video content

    Video caption: Lagos Island Building Collapse: Wetin we know so far
  2. Lagos Island Building Collapse: Wetin we know so far

    BBC

    11 pipo don die (and di number fit increase) for di three storey building wey fall down.

    Authorities don rescue 40 students from di building collapse.

    Eyewitness tell BBC say e pass 80 pikins wey trap inside.

    Tori be say for 2017 local authorities bin max dat building for demolition say e no follow wetin law book tok for building mata.

    E happun around 10:30am for Ita Faaji area for Lagos Island local goment, according to Lagos State Emergency Management Agency.

    Di building ground floor na shop, di second floor na pipo domot, while di third floor na school.

    Search and rescue operation still dey go on through combined efforts of LASEMA and other emergency responders like Lagos State Ambulance Service, Lagos State Fire Service, Lagos State Building Control Agency, Federal Fire Service.

    National Emergency Management Agency, Nigeria Police Force, Rapid Response Squad, Nigeria Security and Civil Defence Corps. Nigeria Red Cross Society, Lagos State Neighborhood and Safety Corps also dey follow help.

    Open dashboard navigation Lagos Island Building Collapse for Nigeria
    Image caption: Dis na map of di area wia building fall down
  3. President Muhammadu Buhari sad for Lagos Island Building Collapse

    President Muhammadu Buhari say e dey very very sad sake of di building wey fall down for Itafaaji area of Lagos, wey kill some pipo, particularly of small children dem.

    Di President tell sorry to mama and paps and relations of pipo wey loss love ones, e wish dem God's comfort.

    He also wish dose wey injure quick and complete recovery.

    Even Nigeria main opposition PDP candidate for di 2019 general election Atiku Abubakar say di building collapse.

    View more on twitter
    View more on twitter
  4. Deputy Govnor of Lagos State visit Hospital wia dem carry di victims go

    Lagos state deputy govnor show for di hospital to see tins wit her own eye.

    Some parents dey dia dey roll for ground as dem some deadi bodi dem wey ambulance carry come.

    Di Lagos state depty govnor tell BBC Pidgin say, Lagos State goment dey sympathise wit di parents of di children and she dey beg dem to give hospital and rescue pipo chance to do dia work so dat dem go fit save as many children as possible.

    Video content

    Video caption: Lagos Deputy Govnor go general hospital visit victims of Building collapse
  5. Police dey ground to maintain order

    Police oga show for di scene to check how tins dey go
    Image caption: Police oga show for di scene to check how tins dey go

    Police oga for Lagos State Mu’azu Zubairu say dem go soon pursue pipo wey dey ontop di building plus comot area so di rescue workers go see road do dia work well-well.

  6. Wetin we know so far?

    Di scene of di incident
    Image caption: Di scene of di incident
    • Local rescue official Ike Okwonkwo tell BBC say dem don confam say eight school children don die
    • Dem don rescue 40 school children so far
    • Di school bin get more dan 100 children
    • Anoda resident tell BBC say Lagos State goment bin don mark di building for demolition since 2018 but dem refuse to comot
    • Di Nursery and Primary School bin dey third floor, residential apartments dey second while di shops bin dey ground floor
  7. Pipo gada for Island General hospital

    Family and friends dey hospital to find dia loved ones

    Pipo plenti for di hospital to see if dia pesin or pikin dey among pipo wey ambulance dey carry com hospital from di building wey collapse.

    One man wey identify imself as medical director say make pipo give chance to work as na emergency situation and dem still dey receive pipo from di building wey collapse

    Family gada for front of Island General Hospital
    Image caption: Family gada for front of Island General Hospital
    Ambulance as dem dey land di hospital
    Image caption: Ambulance as dem dey land di hospital
  8. Health workers, Fire Service, police dey ground for di rescue operation

    Lagos State Emergency Management Agency official
    Image caption: Lagos State Emergency Management Agency official
    Emergency workers
    Image caption: Emergency workers
  9. Plenti school children wey dey school ontop di building trap inside

    Oda residents too wey dey stay di building too trap inside

    Man carry pikin wey dem rescue
    Image caption: Man carry pikin wey dem rescue
    Pipo trap under di building
    Image caption: Pipo trap under di building
  10. Una welcome to our live page

    We dey live for Lagos Island, Nigeria wia one storey building don collapse

    Di three storey building collapse for Itafaaji, Lagos Island, Nigeria.

    E never dey clear how many pipo still trap inside but tori be say one primary school dey ontop di building plus oda residential apartments and shops wey dey di building too.

    Pipo wey take eye see as e happun tell BBC Pidgin say say dem don rescue reach 50 pipo from di building.

    Authorities never confam weda anybody die inside.

    Emergency and rescue services like health workers and fire service dey di scene of di incident.

    Di scene of di building collapse