See as Kofi Annan body arrive Accra
Dem no support media player for your device

See as Kofi Annan body arrive Accra

Monday night for Kotoka International Airport, Accra, Ghana, di wife and pikin dem of former United Nations Secretary-General, Kofi Annan, show as dem bring di dead body of di late statesman for burial.

Na United Nations plane bin cari di bodi of dia former oga come from Geneva, Switzerland capital.

Annan wife, Nane Maria and im pikin dem (Ama, Kojo and Nina) na part of di pipo plus UN officials wey follow am come for state burial wey Ghana goment plan to do for dia special pikin on Thursday, 13 September, 2018.

President Nana Akufo-Addo, senior officials for goment and military go collect di bodi for Kotoka International Airport.

From di airport dem go move am go Accra International Conference Centre wia im bodi go lie in state so pipo fit see am till Tuesday 11 September.

Ghana announce last week say na for Burma Camp military cemetery for Accra, di headquarters of Ghana Armed Forces dem go bury Annan.

Di new military cemetery na wia Ghana dey bury military officers, presidents and ogbonge citizens wey don cari Ghana reach anoda level.

Topics Wey Dem Resemble