Ghana accident death toll reach 29, 6 injured as police continue search

Accident wey happen for Kintampo, Ghana

Wia dis foto come from, JoyNews

Wetin we call dis foto,

Yutong Bus wey dey burn

Ghana Police confirm say 29 people die so far for accident wey happen for Kintampo, after head on collision happen between, Grandbird Bus and 207 Sprinter minibus during de early hours of Monday.

Police search say 6 people survive inside de Grandbird Bus, dem dey receive treatment for hospital.

De Grandbird Bus according to Police report dey carry green pepper den tomatoes from Bawku towards Kumasi. About 12 people dey on that ride.

Information dem pick be say de on de outskirts of Kintampo-Tamale road, de GrandBrid bus veer off de road wey e crush into oncoming Benz bus which also dey carry passengers.

After de clash fire fall inside de Benz bus, which burn all de passengers beyond recognition, police report reveal.

Dem deposit de dead persons for Kintampo Municipal Hospital mortuary for identification, preservation den autopsy.