DI BEST Award: Ronaldo don win di BEST award 2017
FIFA don announce Cristiano Ronaldo as di winner for di BEST awards.
Di Real Madrid and Portugal striker bin dey nominated with Argentine striker Barcelona Lionel Messi and Neymar of Paris St-Germain (PSG).
Na Ronaldo bin win di awards last year, and sabi people wey be analysts don dey tip am to win di award again.
Di stars for football world go gather for London, UK with plenty other prizes wey full ground.
Na nine awards in total na im dem go give out.
One of di awards wey dem go give out na di Puskas Award, for di best goal for di year.
Arsenal striker Oliver Giroud fine scorpion kick goal wey im score against Crystal Palace na one na one of di goals wey dem select.
See di full list of people wey win awards
- Di Best FIFA Men Player 2017- Cristiano Ronaldo
- Di Best FIFA Women's Player of 2017- Lieke Martens
- Di 2017 FIFA Puskás Award- Olivier Giroud
- Di best FIFA Men coach - Zinedine Zidane
- Di Best FIFA Goalkeeper- Gianluigi Buffon.
- Di 2017 FIFA Fan Award - Celtic
- Di best FIFA Women coach - Sarina Wiegman
- Di FIFA fair play award- Francis Kone