Boxing: Anthony Joshua dey eye two more titles after im beat Takam

Joshua dey blow Takam Image copyright Richard Heathcote
Image example Joshua break im nose while Takam eye cut for dia fight

Nigerian-British boxer Anthony Oluwafemi Joshua dey lick mouth as im fit be di first man to hold all four heavyweight world titles for boxing after im beat Carlos Takam on Saturday.

Di 28-year-old wey already hold di International Boxing Federation (IBF) and World Boxing Association (WBA) champion belt for im neck, blow Cameroon-French boxer Carlos Takam throway for Cardiff, Wales.

Now, Anthony Joshua dey carry side eye look di WBC belt wey Deontay Wilder hold, and di WBO version wey Joseph Parker carry for neck.

Image copyright Richard Heathcote
Image example Joshua wan be di first man to get all di four boxing belt di same time

"E dey very possible and na great challenge," na wetin Joshua tell BBC Sport.

Im promoter Eddie Hearn say fight with WBC champion Deontay Wilder "get to happen", while im coach Rob McCracken hope say match against WBO king Joseph Parker go happen first.

"I just pin dey observe," na wetin Joshua, wey dey 28 years talk. "I no dey worry about 2018 because plenty things full dey wait for me".

"I want di other two belts wey dey, whether na Wilder own first or Parker."

Anthony Joshua no mind fight Karate style

Bestie Samir don beat Banku for boxing

Mayweather nack McGregor for round 10

Image copyright Richard Heathcote
Image example 'I dey come for your belt', na wetin Joshua don tell di other boxing champions

Which join-bodi dey give title for boxing?

Na four major associations dey give belt for professional boxing. Dem be:

  • World Boxing Association (WBA)
  • World Boxing Council (WBC)
  • International Boxing Federation (IBF)
  • World Boxing Organization (WBO)

Any boxer wey feel say im power reach, fit challenge to be champion for all di join-body. Mike Tyson bin hold three champion title for 1987, before dem create WBO.

Since dem create WBO, nobody don hold four titles. Evander Holyfield, Riddick Bowe, James 'Buster' Douglas, Lennox Lewis, Wladimir Klitschko and Tyson Fury don hold three belts at once.

Image copyright Richard Heathcote
Image example Takam say im want another rematch with Joshua after im lose on Saturday

Topics Wey Dem Resemble

Another thing we de for inside dis tori