Welbeck score two goals as Arsenal win Southampton 3-2

Danny Welbeck

Wia dis foto come from, Julian Finney

Wetin we call dis foto,

Di open net wey Welbeck miss na im go full pipo mouth

Danny Welbeck score two goals as Arsenal win Southampton 3-2 for Emirates Stadium.

Before Welbeck get di wina, im bin miss open net wen di game na 2-2.

Arsene Wenger rest some of im stars as im get one eye for next Thursday Europa League quarter-final second leg against CSKA Moscow.

Na Southampton bin first open net before Pierre-Emerick Aubameyang score im sixth goal to equalize, den Welbeck get di oda two for di gunners.

Southampton defender Jack Stephens get red card and e no too tey before Arsenal Mohamed Elneny follow am waka.