England v Croatia: Bodi dey pepper some pipo as Three Lions wan 'win' World Cup

England Image copyright Getty Images
Image example England captain Harry Kane na di highest goal scorer for World Cup with six goals

'It's coming home, it's coming home'. But now Croatia no wan hear dat one because dem dey win England 2-1 for Wednesday Semi-finals.

Fans of England national football team di Three Lions get high moral because of how dia team don perform for dis World Cup. If dem beat Croatia for dia Semi-final match on Wednesday dem go play for dia first World Cup final since 1966 wey be di last time wey dem win di Cup.

As English fans belle dey sweet dem, plenty football fans no dey happy with England success for Russia. Plenti pipo bodi dey pepper dem and na for social media dem pour am out.

Dis one no stop England fans to jolli and dem dey celebrate di team with tweets and memes with di hashtag #itsComingHomeRussia2018 as dem believe say dia team go bring home di cup.

England journey to reach semi-final of di competition see dem win Tunisia, Panama, Sweden and Colombia on penarit. Dia only loss na to Belgium for match wey no bin mean anytin.

Dis na di first time since 1990 wey di Three Lions go reach dis stage for di competition.

Image copyright Getty Images
Image example England beat Swede 2-0 for Quarter final

Topics Wey Dem Resemble

Another thing we de for inside dis tori