Serena fined $17,000: Organisers for US Open fine am for three offence

Serena Williams Image copyright Getty Images
Image example Serena lose to Naomi Osaka for final

America tennis superstar Serena Williams don gbab fine of $17,000 on top three offence wey she do for di 2018 US Open final, according to di United States Tennis Association (USTA).

During Saturday match wey she lose 6-2 6-4 to Japan Naomi Osaka, she chop coaching offense, den anoda offence wen she break her bat and di final one wen she begin drag wit match referee Carlos Ramos.

Di organisers fine di former world number one like dis;

  • $10,000 wen she abuse Ramos
  • $4,000 on top coaching advice she bin dey get during di game
  • $3,000 on top say she break her tennis bat

Serena wey dey wan break record wit her number 24 Grand Slam title, bin get big kwanta wit di referee Ramos during di match sotey she call am 'liar' and 'tiff'.

She even tok say make Ramos tell am sorry afta im bin tok say she dey collect coaching advice as di game dey happun.

Topics Wey Dem Resemble

Another thing we de for inside dis tori