Arsenal 1-3 Man Utd: My work na to improve di team – Solskjaer

Image copyright Getty Images
Image example Ole Gunnar Solskjaer don win eight straight match as caretaker manager

Manchester United manager Ole Gunnar Solskjaer say im work na to continue to improve im team.

Solskjaer don win all of im eight match dem as caretaker manager.

Di Red devils beat di Gunners 3-1 for dia fourth-round Match for English FA cup for Emirates stadium with goals from Alex Sanchez, Jesse Lingard and Anthony Martial.

Solskjaer say "na big step for our performance, as a team, di way di team play better well-well pass wetin we play against Tottenham few weeks ago wey we struggle and David De Gea save us. Na wetin im add put

"We don work on am, we need to defend well against good teams dem. My work hia na to improve di team, improve di players and ready dem for di next game. Na league game, big league game for us for our house. Tomorrow we go sitdon for chair and enjoy to watch di FA Cup." Na wetin im add put.

Pierre-Emerick Aubameyang score di only goal for Arsenal before halftime but dem no fit comeback.

Gunners main defenders dem Sokratis Papastathopoulos and Laurent Koscielny no finish di game becos of injury.

Topics Wey Dem Resemble

Another thing we de for inside dis tori