Antonio Conte: Inter Milan don appoint former Chelsea manager

Antonio Conte Image copyright Getty Images
Image example Antonio Conte won the 2018 FA Cup against Manchester United in his final game as Chelsea manager

Former Chelsea oga Antonio Conte don collect appointment as Inter Milan manager, to replace Luciano Spalletti wey chop sack.

Di 49-year-old go return to work inside Italy afta being Chelsea bin sack at di end of last season.

Im spend two years for Stamford Bridge, where e win di Premier League and FA Cup, as e don also claim three Serie A titles as oga of of Juventus.

Under Spalletti, Inter finish fourth for di league and qualify for di Champions League.

"Na new chapter inside my life wey be beginning, I dey really happy," di former Juventus and Italy midfielder tok.

"I don chose Inter because of di club e be and how ambitious e dey"

"Di way di club just dey open strike me and I wan bring Inter back to where im belong"

Inter President Steven Zhang tok say he dey sure say "Antonio Conte na one of di best coaches wey dey."

"I dey certain say he go help us achieve our objective and fulfil our mission wey don remain di same; to make dis club one of di best for di world again."

Topics Wey Dem Resemble

Another thing we de for inside dis tori

Internet link we resemble

Wetin de inside external internet site dem no concern BBC