Mikel Obi don retire from international football
Super Eagles captain Mikel John Obi don announce im retirement from Nigeria national team.
For post ontop social media, Mikel John Obi say thank you to Nigerian supporters and im kontri for di love wey dem don show am for di past 15 years.
- Police confam kidnap of Sampson Siasia mama
- Madagascar knight dia Afcon team
- Ighalo goal give Super Eagles third place victory
"Egypt na di kontri wia I bin start and don finish my National career for," tok Obi as im use di Instagram post as opportunity to give history lesson on im career.
At age 32, Obi say im don ready to retire to let di young footballers take over.
For di Afcon 2019 wey di Nigerian team carri third place inside, Obi play just two matches out of all di seven matches wey di team play.