Cristiano Ronaldo: Man Utd don agree deal for Ronaldo to return

Cristiano Ronaldo

Wia dis foto come from, Getty Images

Manchester United don agree deal for di return of Portugal captain Cristiano Ronaldo to return to di club.

United go pay £12.8m for di 36-year-old wey go do comeback to Premier League twelve years after e comot di Manchester club.

United write put for social media "Welcome home, Cristiano Ronaldo" to celebrate one of dia top goal scorers.

Dis confirmation dey come days afta tok-tok say di forward go go sign for rivals Manchester City.

United say di deal for di five-time Ballon d'Or winner still dey subjected to personal terms, visa approval and a medical check.

Ronaldo score 118 goals inside 292 games during im first time for Old Trafford before comot go Real Madrid for 2009.

Earlier, Juventus manager Massimiliano Allegri confam say Ronaldo no get am for mind again to play for di Italian giants.

United oga at di top Ole Gunnar Solskjaer meanwhile say Ronaldo "sabi say we dey here" during one press conference on Friday.

Wia dis foto come from, Getty Images

Wetin we call dis foto,

Ronaldo sign for Manchester United in 2003 and score 118 goals for di club

In numbers: Why Ronaldo na one of di best in di world

  • Five-time Ballon d'Or winner, 2008 (with Man Utd) and 2013, 2014, 2016 and 2017 (all wit Real Madrid).
  • Five-time Champions League winner for 2008 (wit Man Utd), and 2014, 2016, 2017 and 2018 (all wit Real Madrid).
  • Seven league titles for three major leagues in 2007, 2008, 2009 (all wit Man Utd), 2012 and 2017 (wit Real Madrid) and 2019, 2020 (wit Juventus).
  • European Championship winner wit Portugal for 2016.
  • Winner of 32 trophies for club and country wit Sporting Lisbon, Manchester United, Real Madrid, Juventus and Portugal.
  • All-time Champions League leading scorer wit 134 goals for 176 appearances.

Ronaldo bin sign for Manchester United from Sporting Lisbon for £12.2m for 2003 and e score 118 goals inside 292 appearances for di club.