Nigeria: P-square dey break up again?

PSquare for MTV Africa music award Image copyright PIUS UTOMI EKPEI/Getty Images

E be like say di tori wey dey surround popular Psquare twins, Peter and Paul Okoye, never finish. New gist wey dey circulate be say di two don separate.

One letter dey go round for internet wey get Peter signature and wey give reasons why im de comot di group.

Psquare na Nigerian award-winning group wey don release plenty hits like Busy Body, Ifunnaya, Bank Alert, Danger, Gimme dat and Away.

Image copyright Dean Mouhtaropoulos/Getty
Image example For some times now, tori don dey say di group get problem

Peter's lawyer and popular human rights activist, Festus Keyamo, confirm to BBC News Pidgin on top phone say true-true, im receive letter from Peter of Psquare.

But im no go fit talk wetin dey inside di letter.

Keyamo also talk say im no understand how di letter take enter internet.

Image copyright Peterpsquare/Instagram
Image example Peter put ontop Instagram say im dey do shows solo

Peter don put video for Instagram where im talk say im go do 'solo' show for Maryland for United States.

Topics Wey Dem Resemble

Another thing we de for inside dis tori