Liberia 2017 election: Who go replace Johnson-Sirleaf?

Campaign poster for Monrovia dey show picture of di Liberian Presidential Candidate Image copyright Getty Images
Image example Campaign poster for Monrovia dey show picture of di Liberian Presidential Candidate

After 12 years as President of Liberia, Ellen Johnson-Sirleaf, wey be di first woman for Africa to win election as president, dey waka comot from office.

As na less than one week to di country elections, candidates wey dey contest don dey promise say dem go make life better for di people.

BBC tori person Umaru Fofana report say for di capital Monrovia waterside area, many people dey live from hand to mouth, as jobs no dey and may dey struggle to make ends meet.

Some of dis ones say dem want make di new government reduce school fees, others complain say tax wey dem dey pay dey very high and dem want am to reduce.

Some people just want make business boom.

Image copyright Getty Images
Image example People wey dey Support former international football star George Weah inside Monrovia on April 28, 2016.

Na who dey contest?

Na 20 candidates dey contest to become president - among dem na one beauty queen, and football legend George Opong Weah.

Mr Weah bin be di 1995 world footballer of the year - dis time people feel say im fit get luck after im don contest three times.

E tell BBC say if e enter di President seat, di main thing wey im wan do na to make tins steady for di country so dat im fit attract development for Liberia.

Di other main person wey dey contest na Joseph Boakai wey don be Vice President for 12 years now.

Mr Boakai sef say im old age no matter and im feel say e get di experience wey di country need.

Image copyright Getty Images
Image example Dis na di third time wey former international football star George Weah go contest for President

Wetin dis election fit mean for Liberia?

Tori be say di 10 October election na di first time since 40 years wey dem go transfer power from one President wey dem elect, to another one.

For di past 10 years or more, di youth believe say peace na di main gain dem don get since Liberia start election.

Image copyright Getty Images
Image example Posters dem for Liberia election

Topics Wey Dem Resemble

Another thing we de for inside dis tori