Dare Not Linger: Mandela book about im life as president don come out

Nelson Mandela. Photo: October 1990 Image copyright Getty Images
Image example Nelson Mandela (centre) with him wife Winnie after dem release am from prison in 1990

New version of di autobiography book of Nelson Mandela, Long Walk to Freedom, don come out for Johannesburg.

Dare Not Linger na book wey focus on di years wey Mandela serve as South Africa president after di end of apartheid regime, and how im take see di first multi-racial election wey happen for di country in 1994.

Mandela start to write di book but no complete am because of im old age and health matter.

Na South African author Mandla Langa wey bi successful novel writer come add to di 10 chapters wey Mandela write to compete di book.

Mandela spend 27 years for prison because im fight white minority people wey dey rule, and im later become di first South African president wey become leader through election.

Him serve only one term for office.

He die for 2013.

'My long waka never end'

Mr Langa - who imsef bi activist wey fight against white minority people wey dey rule - use im own interview and research to complete di book. Im also use small small note wey Mandela write down.

Di Nelson Mandela Foundation say di book na 50-50 collaboration between Mandela and di co-author.

Dem take di title of di book from final sentence of Mandela popular autobiography Long Walk to Freedom, for where im write: "With freedom come responsibility, and I no dare tay on am, because my long waka never end."

For June 2017, dem no release one book wey Dr Vejay Ramlakan, Nelson Mandela doctor write about di leader after Mandela family dem say di book get too much personal information of Mandela.

Image copyright AFP
Image example Mandela first autobiography dey very popular all over di world

Nelson Mandela: Important dates

Image copyright AFP/GETTY IMAGES
  • 1918: Born for di Eastern Cape
  • 1944: Join African National Congress
  • 1962: Arrested, convicted of sabotage, sentenced to five years in jail
  • 1964: Charged again, sentenced to life
  • 1990: Freed from prison
  • 1993: Win Nobel Peace Prize
  • 1994: Elected president
  • 1999: Steps down as leader
  • 2004: Retires from public life
  • 2010: Appears at football World Cup

Topics Wey Dem Resemble