Niger: 12 soldiers don die for attack

Soldiers inside truck Image copyright ISSOUF SANOGO
Image example Di attack happen for di town of Ayorou for di Tillaberi region

At least 12 Niger soldiers na im die when people wey be like militants attack dem on Saturday.

Di attack happen for di southwest part of di country, just weeks after one deadly ambush kill some US and Niger soldiers wey dey on patrol.

"Twelve people na im die for new attack," na so Minister of Foreign Affairs, Mohamed Bazou, tell tori people AFP.

Di attack happen for di town of Ayorou for di Tillaberi region, 200 kilometres (124 miles) northwest of di capital Niamey.

One security source say di attackers carry five motor come, and run when military send more soldiers go there.

Wahala full for dis Tallaberi region, as jihadist wey dey target army positions and refugee camps dey operate there.

On Friday, parliament bin agree to continue three-month state of emergency for western Niger because of how groups wey dey use gun dey operate for di area.

Niger: US don confirm soldiers wey die for ambush

Chad don carry dia army comot Niger

Image copyright ISSOUF SANOGO
Image example No group don talk say na dem do Saturday attack, or di one wey kill di U.S soldiers.

Topics Wey Dem Resemble

Another thing we de for inside dis tori